لا وقت للموت

بوند؛ مش مجرد شخصيه دراميه بتروح تدفع فلوس عشان تتفرج عليها، بوند بداية من سقوط الامبراطوريه او سكاي فول هو تجسيد للتاج، تجسيد لمعنى القوه و الاصرار على البقاء، التاج انتهج سياسيه انسانيه كلفته كتير - التعدد العرقي و السماح بالهجره و قبول اللاجئين - والانفصال عن الاتحاد مؤخرا، الانسانيه و الاستقلال دول فاتورتهم غاليه للغايه، مينفعش معاهم تعتزل و تختفي، ومينفعش معاهم تموت " نو تايم تو داي " لا وقت للموت مش مجرد عنوان للاصدار الاخير من بوند، لا وقت للموت معناه ان افول الامبراطوريه امر غير وارد، حتى لو قررت ان تكون انسانيه مستقله.

بوند

بوند؛ بايقونته الاخيره " لا وقت لدي لاموت " بيقرر يتخلى عن احد اكثر الالقاب حساسيه و خصوصيه - صفرين او دبل او - وده لقب بتمنحه الملكه شخصيا لرجال الاستخبارات البريطانيه و نساءها، نظير تفانيهم و تفردهم، وبيعني موافقه على القتل دون الرجوع للروؤساء، بوند بيقرر يهجر مهنته، وانتماءه للجهاز، لانه شبع من القتل والخساره والخيانه والدم، بوند بايقونته الاخيره انسان، مش اله مصممه للقتل، ورغم اختفاءه عن العالم تماما، ماضيه بيطارده، والجهاز و منظمات الجريمه بتعرف مكانه في النهايه، وبيتحول هو شخصيا لهدف، هدف لازم يموت باي تمن، حتى لو قرر يعتزل و يختفي، فاتورة الماضي يستحيل تتخلى عن ثارها، وكل تاريخ دفاعه عن الجريمه بيتحول تجاهه، موت من كل حته، بيتجسد في مشهد ايقوني بيتحاصر فيه في دايره كامله مقفوله من القتله بيحاولوا يقتلوه، وبيسكت هو شويه ويفكر قبل ما يرد عليهم: هو ليه الموت مصر يطارده و يججبره على القتل؟ ليه الجريمه مصره تطارده ومش عايزه تسيبه في حاله؟ ليه مش من حقه يعيش الباقي من حياته بعيد عن العالم مع ست بيحبها؟ وبينهي صمته الوجودي بقتل كل القتله المتحلقين حول سيارته المصفحه، في صراع من اجل البقاء لا يبدو ان له نهايه.

عيط

لو احتجت تعيط؛ عيط، العياط علاج مش عيب، وربنا خلق لنا الدموع عشان نعيط، مش عشان نعمل فيها اكوياء، لو احتجت تشتم اشتم، الشتيمه علاج برضو - ده بجد - ابن المتناكه تقوله يبن المتناكه عادي، هو مجاش من سعودي ماركت، عبر عن مشاعر دين ام نفسك براحتك، محدش شريكك، محدش رقيب عليك، محدش بيصرف عليك، عيط واشتم واصرخ، وبعدين اغسل وشك والبس بدلة المجتمع واخرج للعالم عادي.

يناير

يناير حركت ثوابت؛ ثوابت ضخمه عملاقه كانت راسخه زي الاصنام، ايوا مقدرتش تحرك صنم العسكري، لكنها برضو زلزلته، وقدرت تحرك ثوابت الدين والعقل والمنطق والحريه، اخر عشر سنين افضل كتير من اخر خمسين سنه، ولو مش ملاحظ ده على جيلنا البائس، راقب الولاد و البنات اللي اعمارهم بين 16 و 24 اللي فتحو عنيهم على قدر غير يسير من التغيير و الحريه.

ذكوري متعفن

بنت صديقتي؛ ارتبطت و انفصلت، وبعدين ارتبطت و انفصلت، وبعدين خدت قرار حلو اوي " كسم الرجاله " وعايشه مع ابنها في منتهى السعاده، بعيدا عن الجنس الذكوري المتعفن.

HARD DICK

لو اختزلت عقلك و اطرافك و حواسك في بتاعك بس؛ فسمحلي ابشرك بخيبه عظيمه، لن تفلح معها المنشطات ابدا، الجنس احد اجمل اعقد الغرائز قاطبة، غريزه جميله معقده بحاجه لكل حواسك واطرافك واعضاءك، بحاجه ماسه لعقلك قبل قضيبك، افلام البورن ضلالات مش دليل، ولو انت بائس وحزين وخجول وكئيب يوتيوب ممكن يعلمك جدا - العلام مش عيب - وفيديوهات تعلمك افضل من فيديوهات تضللك، او تشتري كتاب العلامه احمد عفيفي قريبا بالاسواق، والذي يحمل عنوان " HARD DICK "

خطيئة العقل

هل اخبرتك من قبل عن خطيئة الشيطان الوحيده؟ وقدرته الاستثنائيه الوحيده؟ ليس للشيطان قدرات خاصه او مطلقه، ليس له من امره شيء على الاطلاق، كل ما لديه خطيئته و قدرته " العقل " الشيطان يحرض عقلك على التفكير - الدين لا يفعل - الدين يقنعك انك على حق، بحين ان الصينيين والروس والاوروبيين على باطل، كيف يكون سكان الارض قاطبة على باطل؟ الشيطان لا يوسوس، الشيطان ينشط عقلك فقط.

الحضرة

جمبي مسجد؛ مش جمبي اوي، لكن صوت مئذنته بيوصلني، مؤذن المسجد ده، كل يوم، قبل الاذان بنوص ساعه، يؤذن بصوت خافت، ووتيره هاديه، كنوع من التنبيه و التحريض على صلاة الفجر، مش هنا مكمن الجمال بس، البلكونه قصادي فيها حمام بيهدل معاه، كانهم متفقين على التوقيت، والكلب تحت بلكونتي بيعوي بوتيره غريبه، كانها دعاء او استجداء، طير وحيوان وانسان غير متفقين على توقيت، غير متفقين على لغه، ورغم ذلك مفيش حد منهم بيغيب عن التوقيت ده كل يوم، كانها حضره، حضرة كونيه .

الحب

الحب؛ ان تختزل " الحمد لله " حب حقيقي قبل الامتنان، ان تختزل القبله كل الكلمات الى " احبك " ان تختزل كلمة " بابا " كل حب العالم.

ليون

بفيلم " ليون " بتعترض حياة ليون الهاديه المتماسكه الطفله " ماتيلدا " ماتيلدا بنت جميله و ذكيه، وليون اشبه بالطفل، رغم كينونته كقاتل ماجور، الا انه في الحقيقه مهاجر ايطالي غير شرعي، هرب من بلده بعد فشله في الارتباط بحب حياته الوحيد، اللي ابوها قتلها لمجرد تفكيرها في الهرب معاه، ماتيلدا على صغر سنها بتصحي مشاعر عند ليو ميصحش تصحى، مشاعر قتلها جواه لما هرب من وطنه، بنفس الرصاصه اللي قتل بيها ابو حبيبته، ولما ماتيلدا هي كمان حبت ليون -- والبنات الصغيره ممكن تحب عادي - ليون وقع في مازق، مأزق مرعب، مكنش ينفع يهرب و يعيش معاه للمره التانيه، عشان كده فضل ينقذ حياة ماتيلدا ويموت هو، لان بقاءه على قيد الحياه كان هيعرضها دايما للخطر، وهيعرضه اكتر لحب لا يمكن استمراره.

التاج

التاج البريطاني؛ عمره 1000 سنه، ودي اطول فتره زمنيه يستمر فيها تاج حاكم - بعد التاج الاسلامي؛ 1300 سنه - وده لان التاج البريطاني كاميليون، كاميليون يعني حربايه، حربايه عندها قدره مذهله على التلون و التغير طبقا لمقتضيات الظروف، ملكيه ماشي، ملكيه دستوريه شغال، احتلال ماشي، استقلال مفيش مانع، اتحاد ماشي، انفصال ميضرش، تاج ايقوني ابن مره، لازمن وحتمن ياخد اوسكار اوسخ تاج قادر على البقاء.

انترستيلر

انترستيلر مش فيلم فانتازيا؛ انترستيلر حقيقه، انت ممكن تعيش في مكان اليوم فيه بعشر سنين، او مكان العشر سنين فيه بيوم، يسري لما كان عايش عندي في بيتي، كان بياكل ويشرب ويلبس، لكنه كان مرهق وغير سعيد، لانه معندوش ذمه ماليه مستقله، معندوش بيت، معندوش ست، فكان يبدو دايما اكبر مني - رغم سننا الواحد - يسري لما راح فرنسا ورجع، بقا اصغر مني، لان كل الحجات السابق ذكرها بقت عنده، انترستيلر مش فيلم خيال علمي، انترستيلر فيلم مفرط في الواقعيه الحقيقه.

كاتيا

كاتيا؛ بنت اوكرانيه عمرها 19 سنه، كاتيا من بلد جميل للغايه، لكنه فقير للغايه، لدرجة ارتباطه بصناعة البورن الامريكيه، اللي بتتعاقد مع فتيات اوكرانيات بعقد عمل سنوي بائس، ورغم ذلك بيوافقو عليه ويروحو ارض الفرص، العقود دي قد تحقق للبنت 180 الف دولار في السنه، وده مقابل انتهاكها بشكل الرجاله هنا قد تتصوره او تكون شافته حتى، كاتيا على حداثة سنها واصولها الفقيره خرجت عن الزحام، خرجت عن طابور العرض الطويل، وقررت تبيع عذريتها برغبتها مقابل مليون و 300 الف اورو في خبطه واحده مقابل ليله واحده لثري الماني مهووس بالعذريه، انا بحيي البنت جدا، وواثق انها قتلت الحاجه للابد في حياتها، وواثق انها هتحب و تتحب وتتجوز وتخلف وتعيش سعيده، لانها على حد قولها " دي حياتي وده جسمي "

ستروكس اندبندنت

عزيزتي البنت الاستروكس اندبندنت؛ الخيارات مرعبه، الحريه مرعبه، الاستقلال مرعب، وامي وامك، وستي وستك، مكنش عندهم رفاهية الرعب، كن ستات بيوت جميلات مطيعات، يعشن باريحيه في ظل قوامة الرجل - الرجل - لكنك بدافع من تطور المجتمع بقيتي --- او لقيتي نفسك - في وضعية المدافع عن حقه و حريته، لقيتي تفسك في حلبة، حلبة الحياه، وناقوس قذر بيرن معلنا بدء الصراع، الصراع بين استقلالك او استسلامك، وكلا الخيارين ابن وسخه الحقيقه، في مجتمع عربي ضاغط، وعالم اشبه ببيت البغاء، عالم يحكمه البنكنوت، والطبقه الاجتماعيه التي تنتمي لها.

حياة

حلمت اني باخد كوز دره من غيط - كوز دره بحجمي تقريبا - وباكل منه على راس غيط، وبعدين بسحبه جوه بعيد عن الماره، وباكل منه برضه، بس وانا قاعد عليه، بيصحى طفل كان نايم في مكمني، ويجري ينده على اهله، بتيجي ست جميله جدا تزعق وتعيط وهي منفعله، بفهم من كلامها ان ده كوز الدره الوحيد في الغيط وان هو مهم جدا بالنسبالها، بحاول افهمها اني مكلتوش كله وكلت بس جزء منه، بلف الكوز واكتشف اني كلت اغلبه، بتنهار وتمسكني من كفوفي بكفوفها وتصرخ بعبارات منها ليه تخليني اعمل فيك كده؟ انا مش عايزه ائذيك تاني؟ مش عايزه، بتتداعي لذاكرتي علاقه ما كانت بتربطني بالست، وكأنها كانت زوجتي او حبيبتي، وبيهم الرجاله الاربعه بتأديبي باديهم وعصيانهم وحزامهم، بسيب كفوفها وارفع كفوفي احمي راسي ووشي، وانا باصص على غل غريب في عنيهم، وبحس بأول توكة حزام بتلدغ راسي، وبسمع من بعيد صوت بيقول " لا لا لا يا حياة " بعرف ان اسم الست حياة، وبشوف وجه منقذي السمح الطيب، وبقوم من النوم وانا بفكر في " حياة "

الممر

بنهاية الممر؛ تنتظرني امينه، تبتسم للارض وتركل حجرا صغيرا بقدمها اليمني، وحين اقترب، نتبادل الضحكات العاليه كمروجي المخدرات بافلام محمود ابو زيد، امينه كانت تخجل من ضحكتها للغايه، ولا تضحك الا برفقتي، بالحقل الممتد على مرمى البصر، يقرأ ابي القران، وتعد أمي وجبة ارز ابيض و سمك بلطي مشوي، حين لا يلتفتان لضحكنا التفت لامينه، الاباء لا يسمعون المتقدمين عن مواعيدهم؛ كيف حال العالم الاول؟ لا يستحق البقاء. انت متقدم للغايه عن ميعادك؟ لقد نلت كفايتي من اللاشئ، واشتقت لاسماك امي المشويه، وقراءة ابي للقران، وضحكتك الاوكرانيه، لن يدعك ابي تبقى. سوف ارجوه ان ابقى، امي تعد ثلاث سمكات فقط. لا شهية بي. لن يمكنك مقاومة اسماك امنا، سوف اكتفي بالارز، احمد؛ انا اشتاق اليك؛ ولكن عليك العوده قبل غروب الشمس، الممر ليس معد لك بعد. اصمت ثم اردف: يبدو انه لا شئ معد لي هنا او هناك.

بحب السينما

بحب السينما؛ محمود حميده كان اب مسيحي متشدد، بنهاية الفيلم كلم ربنا و قاله " انا بكرهك " 50 سنه من حب وهمي، وتشدد زائف، انهاروا في اعتراف من كلمتين، اعتراف مقدرش يعيش معاه يوم واحد زياده، ومات تاني يوم، عشان كده انا بحب السينما، لانها بتقدر تصرخ و تعترف و تقول، وتعيش عادي مع خطاياها، ان كان الاعتراف خطيئه.

الميل الاخضر

بالميل الاخضر؛ وهي قصه قصيره مش روايه، من تأليف ستيفن كينج، بيمر السجين الزنجي الوحيد بحياه بمنتهى القسوه، وبيتم ايداعه السجن بتهمه باطله، وبيعاني للغايه عند اعدامه بابشع طرق الاعدام قاطبة، الكرسي الكهربائي، رغم انه نقي للغايه، وشبه مقدس، الا ان الحياه مش بالضروره تكافئنا على نقاءنا، الحياه في الغالب بتعاقبنا عليه، ولو تحايلنا عليها وعشنا اكتر من اللازم، زي توم هانكس في الفيلم، بتحرمنا من كل احبابنا، وبتحول بقاءنا الطويل فيها لجحيم.

رمضان

احيانا بحب رمضان جدا - والحقيقه اني بحبه من اول ظهوره - لكن يبدو ان قدرتي على تحمل ثراءه المفاجئ ضدي تماما كانسان بيغير، محمد عامل اعلان عن مشروب طاقه، عامله حلو اوي، الاعلان فكرني ان محمد ممثل موهوب، واحد ابناء طبقتي، ومكونتش هكون سعيد ابدا لو محمد فشل او مقدرش يبقى ممثل او منجحش بشكل عام في حياته، وفكرني برضو انك ضروري جدا تكون شوفيني ومغرور ومدرك تماما لحقك في النجاح والثراء بغض النظر عن مقاييس المجتمع او رضا المنايك المثقفين امثالي، اعلان مشروب الطاقه بتاع رمضان الاخير صالحني على رمضان.

العالم الاخر

اصبحت اشعر ان احلامي رسائل من العالم الاخر - رسائل فيديو - لا عقل باطن يمكنه ان يخلق تلك التفاصيل؛ بل ان يتمادى ويصلها، كيف بحق السماء تتصل الاحلام بايام متتاليه؟ وكيف تبدو منطقيه الى حد مريب؟ وكأن احدهم يصور مقاطع من عالم حقيقي قائم ويرسلها لاحلامي، ربما كانت الدمشقيه على حق - عتاب لباد - ربما العالم الاخر ليس ممل كما توقعت، فانتازي، مرح، لا تحوم به اشباح من قبيل الحزن او الموت، لا احد يموت باحلامي، الرجال اقوياء للغايه، بامكانهم السقوط سهوا باخدود، والصعود لاخذ قيلوله راحه، النساء طيبات للغايه، يعبثن بقضيبي بحب لا حد له، الاطفال كثيرون، اربعة مليارات طفل يضحكون حولي، عدد حيواناتي المنويه بالقذفة الواحده، لا حيوانات منويه تموت بالعالم الاخر.

حياه

من ضمن تجليات اخر عشر سنين في حياتي؛ احترامي الفائق للحياه، للحياه بحد ذاتها، مش لحياتي الشخصيه، احترام حيوات اضأل الحيوانات، النمل مثلا، الفئران، الصراصير، اي حياه مهما كانت ضئيله، صعب جدا - ان لم يكن مستحيل - اقتلها، وده بعد اعترافي لنفسي ان حياتي ككائن عاقل ناطق لا تعني انها حياه اغلى، العقل و النطق مش ميزه على الاطلاق، في سبعه مليار بهيم زاحمين الكوكب، وجودهم بالظبط = عدمه، غيرش بس وهم الانانيه و الغرور و التفوق هم اللي بيخلونا نعتبر نفسنا كائنات استسنائيه ومتفوقه، بحين ان احنا بنمرض عادي، ونموت عادي، وبقاءنا على الكوكب بقاء بائس عابر.

ازرق

بفيلم " ازرق " مشهد جلسه جماعيه لاشخاص حقيقيين حاولوا ينتحروا؛ تجارب المنتحرين الحقيقيه مذهله، وشهاداتهم بعد نجاتهم معجزه الحقيقه، كان تردد فتاه في السابعة عشره وهي معلقه من عنقها بين الحياه و الموت " انا لا ارغب ان اموت؛ ولا يمكنني ان اعيش، ولا استطيع ان اجيد بين الحياه و الموت سبيلا " جلسات العلاج الجماعي احد انجح طرق الاستشفاء، وجودك بين مجموعه من الناس مرت او بتمر بنفس ظرفك النفسي، وسماعك ليهم و سماعهم ليك، بيخرج شحنة الهوس و القلق و الخوف و التوتر من جواك، وبتخفف عنك حملك التقيل، او بتوزعه على اخرين متعاطفين مع وجودك في الحياه مع هذا العبء اللعين.

بنو الاصفر

" هل لك في نساء بني الاصفر؟ "

دي مرويه منحطه عن الرسول؛ واحد التهم الموجهه لشخصه، ومعناها ان الرسول كان بيغري المجاهدين بالنساء، والحقيقه عكس كده تماما، الحقيقه ان الرسول كان بياخد موافقة كل صحابي على الجهاد وجها لوجه - شخصيا - وصحابي طلب من الرسول اعفاءه من الجهاد لانه لا قبل له بفتنة النساء من بني الروم - الشقراوات - فاعرض عنه الرسول - لم يرض عن سبب رفضه - لكنه وافق انه ميجاهدش حتى لا يفتن.

سبارتا

بسبارتا قديما؛ وهي مدينه يونانيه حقيقيه، كان فعلا بيتم انتقاء الاطفال، الطفل المولود حديثا بعلامات صحه تامه، يتم الابقاء على حياته، الطفل المولود حديثا بعله في صحته، يتم التخلص منه فورا - قتله يعني - لما قريت الحقيقه دي امتعضت جدا، وقلت عليهم متوحشين عديمي الرحمه، لكن الحقيقه ان الاجراء الوقائي ده اجراء انساني ورحيم وحاسم، مع تعديل بسيط، الطفل المولود لعائله فقيره، يعدموه فورا هو وعائلته، مفيش اي ميزه في الفقر، ولا رحمه ولا انسانيه طبعا، وتكاثر الفقراء هراء و عبث غير ضروري وغير منطقي، وعبء مرعب على نفسهم وعلى العالم.

البابا

البابا فرانسيس؛ قرر يتخلى عن العمل الكنسي تماما - يستقيل او يعتزل - بسبب فساد الكنيسه و جمودها، قوم ايه؛ يبقى هو رأس الكنيسه نفسها، بعد تخلي البابا بنديكت عن المنصب طواعية، من النقيض للنقيض تماما، من عزله عن المسئوليه الدينيه، لتولي المسئوليه الدينيه، الحياه على قبحها الشديد، وظلمها الاشد، احيانا بتكون ليها مفاجات عظيمه.

خيالي

ادلف الى البيت - البيت - بعد يوم طويل شاق؛ اتخيل امرأة بضه للغايه، تبتسم وتنطق " حمد الله على السلامه؛ وحشتني " وحضن دافئ يعتصر احزاني، وصوت لطيف للغايه يتعلق بثيابي ويردد " بابا جيه؛ بابا جيه " ادلف الى البيت - البيت - اواجه الصمت، الصمت المطبق؛ وخيالي.

قضيبي

يباغتني قضيبي: هل انت راض؟ ابحث عن مصدر الصوت بعنايه واتمتم: اين ذهبت بحق الجحيم؟

لعين

يخلقنا الله فاسدين بالفطره؛ كسالى، مدللين، مدفوعين لارتكاب الرزيله، ثم يأتي رجل دين لعين ليعقص ما خلقنا الله عليه.

العرص

كل الشرور جميله؛ الخطيئه جميله، المال الحرام جميل - وكتير بالمناسبه - المحشي جميل، الكسل جميل، الطرطره على العالم جميله، من العرص الذي اقنعنا بارتكاب الخير؟

37 ثانيه

بالفيلم الياباني الايقوني " 37 ثانيه " بتقول البطله - صاحبة القدرات الخاصه في الحقيقه - لو انني تنفست بشكل طبيعي عند ولادتي قبل 37 ثانيه لاصبحت اختي التؤم مكاني، لكنني سعيده انني لم افعل، وان " يوكا " سليمه.

الحضاره

الحضاره؛ حدث جليل، احد اعظم الاحداث الممتده عبر التاريخ، بداية من قصور بني الاحمر و المرابطون بالاندلس، وصولا للعالم الجديد بالولايات، الانسان كائن محظوظ بالولايه، او الخلافه، او الحضاره.

الحياه حلوه

بتفرج على " الحياه حلوه " الفيلم الايطالي من انتاج العام 1997؛ بتفرج على " دورا " او " نيكوليتا براتشي " البطله، باداءها الهادي العادي، ورغم ذلك بقع في هواها -- كممثله و كأنثى - النساء امثال ماجده و نيكوليتا، تحسهم مسهوكين و غايبين عن العالم، لكنهم لاسباب غامضه -- قد تكون الدم الازرق -- بيكن انيقات و جميلات للغايه.

سوبر هيرو

كل اب هو سوبر هيرو؛ الحقيقه ان كل اب هو مجموعة سوبر هيروز، بيطير عشان يجيب لنا الحجات الحلوه، ومصاريف الدراسه، وهدومنا و طعامنا، بيجري على الدكتور عشان يحمينا من الامراض القاتله، بياكل اي حد اكل لو تعرض لينا او فكر يئذينا، الاباء و الامهات سوبر هيروز حقيقيين، مش كده و كده.

البيت

شفعي خدنا معاه العين السخنه؛ مصيف الظباط، شفعي والده لوا، والشاليه بتاعهم ممتاز، ولما حبيت اتمشى و ادخن بالليل، اكتشفت ان الشط عليه صف فيلات، واحده منهم كان الليفينج بتاعها منور، والحوائط كلها ازاز، مش بيبين اللي جواها الا بالليل بس، لو الدنيا ضلمه والنور الداخلي منور، انا بحب البيوت جدا، والفيلا كانت جميله لدرجة اني وقفت وتنحت، كل تفصيله حلوه، البراح والاثاث والاميريكان كيتشن، لحد ما صحبة الفيلا خرجت تشرب ميه، بروب حرير وقميص شفاف، ساعتها كل جمال البيت اتجسد في انسان، وعنينا جت في عينين بعض لمدة ثانيه، اسقط في يدي، وانا مواجه البيت تماما، ومركز جدا في تفاصيله، وفي جمال الست الخارق، ولما هي اتجمدت من المفاجأه، لفيت ومشيت، وانا بتمنى يكون عندي بيت و ست.

تطور

عزيزتي نظرية التطور؛ سيبك من كسم الانسان، وتطوره من عدمه، او خلقته بكلمه واحده - كن فيكون - وراجعي معايا كده الحيتان والقروش والدلافين والتونه والسالمون والاسود والنمور والزواحف والحشرات والطيور، والكون كله، الحقيقه ان حتى على مستوى التطور وصدق النظريه، الكون محتاج ملايين الارباب، مش رب واحد بس ذو قدرات معجزه، مفيش صدفه تقدر تخلق التنوع المعجز المذهل ده، مفيش صدفه تقدر تخلق بنكرياس واحد، ناهيكي عن قلب و عقل وعضلات واعصاب، وليله كبيره سعاتك.

مدير

اعمل شركه كبيره؛ راس مالها مليارات، واستخسر تجيب مدير تنفيذي، الشركه هتفلس بعد 3 ثواني، القائد، او المدير، او العقل المدبر، زي الدماغ بالظبط، مهما كان الجسد عملاق و عفي، يستحيل يعيش بدون عقل واعي، ناضج، فاهم.

والدي

وانا صغير؛ خمس سنين تقريبا، لاحظت ان العيال بتبوس ايد ابوها لما يرجع من الشغل مثلا، الولاد عندي في الشارع كانو بيعملو كده، والولاد و البنات جيراني كانو برضو بيعملو كده، بدرجه من الجبريه و التقديس، مع تعالي مفرط من الاباء، كانهم ربنا مثلا او الاسكندر الاكبر، ولاني طفل ولسه جحش، قررت اقلدهم، اول واخر مره حاولت ابوس فيها ايد والدي وهو راجع من الشغل سحب كف ايده من بين كفوفي وسألني: بتعمل ايه يا احمد؟ ببوس ايدك يا بابا. ليه يا احمد؟ العيال كلها بتبوس ايد ابهاتها. واحنا من امتى بنقلد حد يا احمد؟ والدي كان رجل ايقوني، بوقاره وكبرياءه واناقته، ولما بتمنى احيانا اني كنت انتمي لعيله غنيه وافتكره، بجلد نفسي، واحس اني انا غير الجدير بأب زيه، سبلي ارث من الكبرياء والاعتداد بالنفس لا يقدر بثمن، ولا يمكن شراءه بأي تمن.

الطبقه الوسخه

ليه اولاد الطبقه الوسخه مش بينجحو في حياتهم؟ ليه بيبقو حالمين زياده عن اللازم؟ ليه مجهودهم الدراسي المضني بيروح على الارض؟ ليه عمرهم بيتفرتك فراتيك دون مقابل؟ لانهم عايزين كل حاجه بسرعه، الفلوس والنجاح والزواج، ولان مفيش حاجه بتحصل بسرعه، كل شئ بيضيع، الصبر والواقعيه والجلد اكتر صفات غير متاحه في المنيو بتاعهم، لانهم رغم عنهم نفسهم يصحو من النوم يلاقو نفسهم اغنيا، يلاقو نفسهم خارج الطبقه الوسطى بنت المتناكه، اللي كل شئ فيها وسط، كل شئ فيها ضرب، مفيش شتيمه.

السينما

معجزة السينما الحقيقيه؛ انها ذاكره شخصيه جدا، بتجسدلك الذكريات اللي بتحبها، والمزيكا اللي بتحبها، والاغاني اللي بتحبها، والبيوت اللي حبيتها، والبنات اللي حبيتها، وثغرتها الوحيده؛ انها مش بتجسدلك الروايح اللي حبيتها.

الست بتاعتي

" رؤى؛ الست بتاعتي "

توصيف كمال لرؤى بالعار " الست بتاعتي " توصيف ذكوري و شرقي للغايه، لكني ذكوري و شرقي للغايه، وشايف انه احد اطيب التوصيفات " للست بتاعتك " " ملكك " خاصة لما " الست بتاعتك "" تكون هي كمان بتقولك " سي كمال " وراضيه تماما عن ملكيتك ليها، ومكرسه نفسها تماما ليك، بكل الرضا و الحب.

كوري

في مشهد ايقوني بالفيلم الكوري " طفيلي " الحاصل على السعفه الذهبيه؛ بيوصف صاحب البيت الغني ريحة جسم السواق بتاعه لزوجته، وبيفكرها بملابس بنته الداخليه الرخيصه، على مسمع من السواق وبنته اللي نايمين تحت ترابيزة غرفة المعيشه، لانهم كانو بالبيت على افتراض ان العيله هتبات بره، مشاعر لا يمكن وصفها وانت بتسمع حد بيوصفك بالقذر المعفن، ويوصف بنتك بالرخيصه، وانت رغم عنك بتتلقى الطعنات دي في صمت مطبق، لانك فعلا قذر ومعدم وطفيلي ومعفن، ومتلصص على بيوت الاخرين في غيابهم.

اكذب

للبقاء على كوكب الارض؛ للبقاء على قيد الحياة على كوكب الارض، اكذب، ثم اجعل الكذب عاده، ثم مارس الكذب يوميا، حتى يصبح الكذب جزء لا يتجزء من نسيج حياتك، حينها لن يصبح للصدق وجود، وسوف تشعر مع الوقت انك تفعل الشئ الوحيد الصحيح.

طفيلي

بالفيلم الكوري الجنوبي شديد النعومه الحاصل على السعفه الذهبيه " طفيلي " بيقرب البطل المعدم احد اصدقاءه الجامعيين من المجتمع الكوري المخملي، البطل معدم لكنه متفوق، وكل اللي كان محتاجه فرصه لبلوغ السطح، فرصه حقيقيه تفصح عن قدراته، بمجتمع رأسمالي مجنون بيسحق المعدمين، زي كل مجتمعات الكوكب.

ملكيه

بريطانيا مكنش عندها اي مانع تبيد الجيش المصري عن اخره؛ الحقيقه انها كانت تستمنى تعمل كده، لكن لان الملك ابن ناس، مش ابن وسخه، آثر التنازل و الرحيل، حفاظا على حياته و حيوات عائلته بالمقام الاول، وتصورا منه ان مصر هتكون في ايد امينه، اسوء كوابيس الملك متصورتش ان 150 سنه ملكيه، ممكن ينتهو في غمضة عين بسبب شوية عساكر جعانين للسطوه والسيطره والسلطه، فقط لا غير.

دوزو

سنة 1992؛ اترفضت في اخر محاولاتي لدراسة تخصص بحبه - اللغه اليابانيه - بسبب مجموع لغاتي المنخفض عن مجموع القبول بالقسم، وقتها كنت اعرف ست يابانيه عظيمه مقيمه بالمعادي، اول مره ازورها فتحتلي الباب وقالتلي دوزو، دوزو تعني اهلا، الست كانت بتدرس اليابانيه في بيتها بمصروفات 300 جنيه لكل شهرين، طلبت من محمد عفيفي اخويا الكبير يسندني في القصه دي لمدة سنه واحده بس، محمد رفض، بعد سنتين قابلت احمد سميح، احد اصدقائي وقتها مع بنت يابانيه على كوبري قصر النيل، اخبارك يا احمد؟ انا شغال في السفاره ناو؟ بتقبض كام يا احمد؟ عشرتلاف جنيه. كام يا احمد؟ 10000 يا عفيفي، عزيزي دكتور محمد عفيفي اخويا الكبير؛ انت متخيل 300 جنيه كانوا ممكن يفرقو في مصيري اد ايه؟

الخالق

الخالق - في ضميري انا - اجل مليارات المرات من شراء حياتك مقابل حياه اخرى؛ اجل من الحاجه لعبادة مليارات البعوض، الخالق سخي سخاء مذهل، ابيض، اسود، قمحي، اسيوي، شقراوت، ذوات شعر احمر، ذوات شعر اسود، لاتينيات، عربيات، اسيويات، صحارى، غابات، محيطات، رياح، امطار، مياه عذبه، الخالق مذهل و معجز بصور و تجليات تفوق تصور كل الديانات عنه.

تعافي

ورغم دولة العسكري الجاهل؛ هتلاقي برضو دكتور مجدي يعقوب، هتلاقي المايسترو عمر خيرت، هتلاقي ممثلل بحجم الزعيم، هتلاقي كايرو كي و مسار اجباري، هتلاقي مستتشفى بهيه، وبنك الطعام، ومستشفى 57، قدرةة الارض الطيبه دي على التعافي قدره مذهله، زي قدرة الجسد على التعافي رغم الامراض العسكريه المزمنه.

المال

المال هام؛ هام للدرجه التي ستجعلني اطلب من الله بالجنة ان يعطيني مال، حتى لو صنعت به مراكب ورقيه، او اشعلت به التبغ، او صنعت منه نيرانا عظيمه يخشى منها سكان الجحيم.

جبل موسى

جبل موسى؛ بسانت كاترين - وهي قديسه مسيحيه - ارتفاعه 2300 متر، عدد رجات الدرج - السلم - المؤدي لقمته -- او مصعد النبي موسى - 4000 درجه، وهو مزار ديني يهودي بالمقام الاول.

صباح الخير

بضغط على الارضي؛ المصعد بيصعد، بسب الدين للي سحبه، بيفتح الباب 3 اشياء، شئ بشنطة زباله، وشئ بسبت عيش فاضي، وشئ بعيون و خدود، اكبر بنت فيهم بتبادرني " صباح الخير " برد وانا سعيد بيهم فشخ " صباح الخير " عشر ادوار من الهبوط الصامت بفكر فيهم: مين ابوكم ابن دين الكلب اللي باعتكم في عز البرد الصبح عشان تشوفو طلبات اي ابن وسخه؟ بنوصل؛ بفتحلهم الباب، البنت الكبيره بتبادرني تاني " اتفضل؛ حضرتك الكبير " بخرج للعالم وانا بفكر تاني: هل العالم مكان طيب للغايه ام مكان ابن وسخه للغايه؟

مصر

ربنا - جل جلاله - ذكر مصر دونا عن سائر بلدان الارض؛ يوسف طلب من ربنا يجعله على خزائن الارض - مصر برضو - سلة الغلال في العالم - مصر برضو - حاضنة حضارات العالم القديم فائقة التطور - الحضاره المصريه القديمه - حاضنة الاسكندريه و مكتبتها و منارتها - العصر الروماني - حاضنة الثقافه الاسلاميه المذهله - القاهره الفاطميه - حاضنة الملكيه العلويه - القاهره الخديويه - وييجي حتة عسكري جعان للسلطه والشو يدمر كل تاريخها الفريد الاصيل.

معتز

معتز و العبد لله؛ عندهم متلازمه بنت وسخه، معتز ممكن يعيش في تركيا او دبي او لندن، ليه يا معتز مش بتهرب من خورم طيز العالم لما انت تقدر؟ لاني هنا " معتز واحد بس " بكل تاريخي وعلاقاتي وعملي، باسرتي واصحابي واخواتي، بقدرتي الاستثنائيه على تسخير خورم طيز العالم واستخراج افضل مكوناته، المقاهي، المطاعم، الاشخاص، فرص العمل، النجاح، في ددبي ولندن وتركيا هفضل مواطن سكند هاند مستثمر مطيع، مش هكون ابدا صاحب الوطن الاصلي، مش هكون " معتز ".

دبي

دبي؛ لا عندها موروث فرعوني ولا اسلامي ولا ملكي ولا روماني، دي معندهاش قاهره فاطميه ولا قاهره خديويه، دبي معندهاش احياء عظيمه قديمه ولا صناعات يدويه اصيله، دبي معندهاش تنوع ديموجرافي مذهل، سكندري وصعيدي وريفي، دبي اكتر مدينه بتحسسني ان مصر وقعت فريسه لشوية خنازير من سبعين سنه، شوية خنازير اتجوزوها رغم عنها، اتجوزوها جواز كاثوليكي، لا طلاق منه.

انترفيو

لما كنت بروح مقابلة عمل؛ كنت بشتغل في المقابله، مش لاني افشخ واحد في العالم، ولا انسب واحد للوظيفه، كنت بتقبل لاسباب خارجه عن ارادة صاحب العمل تماما، الناس كلها - عاديين و اصحاب اعمال - يمكن خداعهم ببساطه شديده، بساطه قائمه على نزعتنا بنت الوسخه لتقديس المظهر، وتقديس الثقه بالنفس، انا كنت بروح لابس بدل وجذم غاليه جدا، نفس براندات اصحاب الاعمال تقريبا، كنت بتكلم في المقابله بروح المستغني، مش الملهوف او الحريص، كنت بنطق الكلمات الانجليزيه القليله نطق صحيح تماما، شوية حركات بشلن، لكن لها مفعول السحر.

اصل السعاده

المال سعاده؛ البنون سعاده مضاعفه، الحب اللي بين المال و البنون - الحب اللي بيجيب البنون - اصل السعاده.

تالياني

شريف تالياني اتكلم معايا مره - مره واحده - غالبا كان محتاج يتكلم مع اي حد؛ شريف شاب مصري بيشتغل في صناعة البورن، شريف معندوش جيرل فريند حتى الان، والولاد في الصناعه بيعتبروه عربي فمش انتيم معاه، شريف غير سعيد، فلوس و جنس ووحده، رعم ان الكل بيحسده على اوروبا وعلى شغلانته، الحياه كائن معقد عنيد.

شمال

هو انا ليه كل الشغل اللي بيجيني شمال؟ هل لان انا اصلا شمال؟ ليه دايما ليه علاقه مباشره بخطيئه اصليه؟ ليه دايما حرام و انيق و بمقابل مذهل؟ وليه انا لساني طويل هنا لكن قلبي قلب جنين في الحقيقه؟ بل ليه انا موجود حتى الان في عالم ضدي تماما؟

1917

1917 فيلم بيتناول لقطه من الحرب العالميه الاولى؛ يبدو ان معين اوروبا من الحرب لن ينضب، ويبدو برضو ان معين الموهبه والابتكار عند المخرجين الاوربيين لن ينضب، الفيلم عباره عن حوار طويل على شوطات طويله، حوار عن الحرب والبلا بلا، وازاي انك ممكن تبقى مؤمن فشخ بيها فتموت في الثانيه الجايه، وازاي انك ممكن تبقى خايف جدا منها فتسيبك تعيش، وازاي جسدك الممتلئ باالحياه ممكن يتحول لرمه مرميه بعيد جدا عن بيتك و عيلتك في مكان نائي مجهول، واشياء اخرى كوتوموتو.

مترو

اشتغلت في المهندسين سنه؛ في ميدان لبنان، فوق مترو، كنت بروح الشغل بشبشب بصباع، عشان قدمي السكري، وهود مخروم من وسطه بسبب سوجاره غداره، كنت بروح بدري عشان زحمة الحياه، بروح دايما مع مستر عرفه، مدير مترو لبنان، سبعه تمام نكون بنفتح مع بعض، اضرب شندوشتين لانشون ورومي على الفطار، واستنى الشيف يرن عليا عشان انزل اضرب اي شئ مخبوز طازه، اي مكان بشتغل فيه بحس انه بتاع امي، اروح بشبشب، افتح مترو مع المدير، اخلي الشيف يرن عليا لما يخبز، الاطيب من كل ده، ان الشبشب و الهود المخروم، كانو مخلييني شبه المتسولين، لكن الطبع غالب، والاقرع هيعيش نوزهي و يموت نوزهي.

فيس بوك

فيس بوك؛ وحي مش فكره، حائط مبكى مثالي، غرفة اعترافات كنسيه، مجتمع متصل منفصل بجداره، مش متخيل كنا هنندب فين ونعيط فين ونشتكي فين لو مكنش ربنا الهم زفت الطين زوكربيرج بانشاء المبكى.

الجانب المظلم

الجانب المظلم؛ مش جانب مظلم، الحقيقه هو الجانب الاصدق، الجانب الحقيقي، ان لم يكن الكل الحقيقي، انا مش بحب الدراسه ولا الشغل، بحب الفلوس والنسوان، ولاني مستبصر بحاجاتي من وانا طفل، كنت عايز اسافر، اسافر اشتغل بصناعة البورن، اللي هي فعليا فلوس و نسوان، او نسوان وفلوس، لكن لان المجتمع بيستنكر ممارسة الجنس، والدين بيحرم الجنس، كنت مطالب بقمع حاجاتي الحقيقيه من اجل عيون الدين و المجتمع، ومطالب اني اذاكر واموت نفسي واستشهد عشان احوش واتجوز، ومطالب اني ادور على ودن جحا عشان احقق حاجاتي الانسانيه الطبيعيه الحقيقيه، الجانب المظلم جانب مظلوم و مسكين، جانب ممكن يضيع عمرك كله وانت متحامل عليه وحبسه جواك.

آل البيت

اجساد آل البيت؛ لا يجوز عليها الخلود، لكن ارواحهم خالده - زي ارواح آباءنا و احبابنا - الفارق ان كلنا بنحب آل البيت، كلنا بنحب نزورهم، عشان نلتمس العزاء، مش عشان نبوس الحديد ولا نتبرك بالمقام.

البرزخ

الارواح المعذبه؛ غير المستسلمه لمشيئة الله، غير الراضيه بتسعيرة روحها للشيطان، بتبتغي بين ذلك سبيلا، بتعيش في البرزخ، وتسعيرة البرزخ اسوء و اضل سبيلا، لان البرزخ بيشتري روحك قطاعي، حته حته.

الوفره

الوفره يا احمد؛ البيوت الواسعه المشمسه النضيفه، الاكل المنتقى بعنايه فائقة، الهدوم الغاليه المريحه، التعليم الجيد الحقيقي، السفر، البزنس، النسوان المتنقيه على الفرازه، الوفره يا عفيفي، هو انا برضو اللي هعرفهالك؟

محمد مجدي

البنات

البنات؛ اخواتي البنات، وانا بحب اسميهم كده " البنات " لانهم رغم ان كلهن اكبر مني، الا انهن بيتعاملو معايا على اني ابوهم، مش اخوهم الاصغر، البنات احد اسباب التصاقي بالوطن - عن طيب خاطر مني - احساسك ان فيه 4 ارواح متعلقه بروحك، احساس مخيف و طيب، مفيش مكان على الارض هتلاقي فيه 4 بنات بتحبك.

ذات

بنهاية مسلسل ذات؛ ذات بتقف محتاره في امرها قصاد عماره بتتشطب، المشهد عادي جدا، وغير ملفت للنظر، لكنه في الحقيقه موجز معجز لحياة ذات، ذات حياتها كلها عباره عن عماره " لسه " بتتشطب، عماره " لسه " بتتشطب من سبعين سنه.

منتج فائق الجوده

رحلة الانسان على الكوكب؛ رحله عظيمه، مهيبه، مرهقه، من اول الكهف، حتى الاطراف الصناعيه والاعضاء البديله، الانسان كائن صبور للغايه، قوي للغايه، ربنا كان محق كل الحق في صناعته و خلافته، رهان ربنا على الانسان كان محسوم، لان الانسان المنتج الالهي فائق الجوده.

فيس تو فيس

ربنا - جل جلاله - هيقعد معاك فيس تو فيس؛ وهيوريك كل حاجه حصلت كنت فيها جحش او غبي او اناني، كل حاجه تصورت انها خير ليك ومحصلتش، كل حاجه خير حصلت ولم يلهج لسانك بالثناء، كل شر درءه الله عنك بلا حول منك ولا قوه، كل مرض و عسر تصورت انهم شر وهم في باطنهم رحمه، ربنا هيقعد معاك فيس تو فيس عشان يحاسبك، ويطلعك حمار وغلطان ومديون، ومش بعيد تقضي اول خمسين الف سنه ليك في الجنه بتعتذر لله عن جهلك وقلة ادبك وغباوتك.

زوجتي

انا اشبع انام؛ اتحب انام، احيانا كنت اصحى من النوم الاقي زوجتي صاحيه ومفتحه عنيها وبتتفرج عليا، صباح الخير. صباح الرضا. هو انا وشي على الشارع حرتك؟؟ ضحكه خفيفه. انا بحب اشوفك وانت نايم. دي خلقه حد يطل عليها بالله عليكي. انت ازاي مش بتشخر و تفتح بؤك وانت نايم؟ هو انا لازم اعمل كده؟ انت ليه بتضحك وانت نايم؟ ده انا متراقب بقا. انت غريب في صحوك و نومك يا احمد.

الست

الست جميله؛ وشها صغير و ابيض، ملامحها دقيقه، صوتها واطي ورقيق، الست بتحاول تبيع لاب توب بمحل الصيانه، المحل بيرفض، الست وقعها على قلبي كان طيب لدرجة اني كنت اتمنى اشتري الجهاز منها لمجرد مساعدتها.

ماستر

وانا بسترد نص فلوسي من الاكاديميه العربيه؛ دكتور علي سويلم العميد سألني سؤالين في منتهى الغرابه: انت ليه مش لابس بدله؟ كنت رايح بكاب و سويتر. لو محتاج الفلوس انا هديهالك من جيبي بس تكمل الماستر بتاعك. حرص العميد على مظهري و مصلحتي جمدني ساعتها، انا مجرد طالب زي بقية الطلبه، لكني كنت غلباوي و لمض، والوحيد اللي نجحت في مادته ضبط الجوده من اصل 25 طالب.

الحياه

ربنا قعد مع كل واحد فينا؛ على انفراد كده، وسأله: انا هخلقك، وهنفخ فيك من روحي، وهنزلك الارض، وهقدر عليك رزقك، وهخليك تعيش في فيصل، قلت ايه؟ كلنا بدون استثناء وافقنا، مفيش واحد فينا رفض، لان ربنا عرض علينا عرض وي كانت ريفيوز.

تسؤكم

ليه ربنا مقلناش هنموت امتى؟ ليه ربنا نهانا عن الاسئله اللي اجاباتها قد تؤذينا " يا ايها الذين امنو - وثقو بيا - لا تسئلو عن اشياء ان تبد لكم تسؤكم " تخيل تعرف انك هتموت وانت عندك 46 سنه - بعد شهرين مثلا - ورغم اني غير معني بالحياه، الا ان يقينك بميعاد رحيلك امر مرعب، امر فوق قدرتك على التخيل - ناهيك عن انه يكون حقيقه - مش كل العلم ضروره، ومش كل حاجه عايز تعرفها لازم تعرفها، في حجات كتير فشخ لو عرفتها هتزعل، هتزعل جدا.

ايليش

" لقد راودني حلم؛ لقد حلمت انني يمكنني الطيران، لذلك قررت ان اطير من اعلى الجولدن جيت، لم يلحظني احد وانا اسقط، ولم يبكي احد ايضا لانني سقطت "

ايليش

امينه

اول مره روحت جونينة الحيوانات مع امينه عفيفي سألتها: هم حابسين الحيوانات ليه في اقفاص؟ امينه بصتلي شويه كده وضحكت، وردت عليا بصوت الدكتور النفسي بفيلم اونكل زيزو حبيبي: احنا ملناش عيش في البلد دي لنا ولا انتا.

غلط

لما تشوف حد كاتب كلمه غلط؛ او تسمع حد بينطق كلمه غلط، التمس ليه سبعين عذرا، لانك مش منزه عن الخطأ، واوزارك اكتر من قدرتك انت شخصيا على عدّها، فهون عليك و على الاخرين.

هي هي

ان الطريقه التي نرى بها الله " هي هي " الطريقه التي يرانا بها الله، فإن كنت ترى الله متسامحا، فهو متسامحا، رحيما فهو رحيما، حنونا فهو حنونا، لسبب ازلي لا يحتمل الجدل " ونفخت فيك من روحي "

يلنا

احمد.

نعم.

متبوصليش كده ارجوك.

مبوصلكيش ازاي؟

زي منتا بتبوصلي دلوقت.

مش فاهم يلنا؟

انا لا قبل لي بطاقة الحب الصادره عن عينك احمد.

يلنا - 2010

يوتيوب

يوتيوب؛ في الولايات و اوروبا، مصدر دخل للملايين، دخل حقيقي تقدر تعتمد عليه، وشروط استخدامه هناك محترمه جدا عن هنا، لاسباب اهمها ان اغلب اليوتيوبرز هناك بيقدمو محتوى اصيل او اصلي، محدش بيسرق، محدش بيقص و يلزق، عشان كده الاحترام متبادل، والدخل محترم، والمشاهدات بالملايين.

كفاله

الكفاله في الاسلام؛ زي التبني في المجتمعات المتحضره، في الحالتين الولد او البنت بيكونوا عارفين ان الاباء مش اباءهم الطبيعيين، الفرق الوحيد بين التبني و الكفاله، انك ممكن تكفل الطفل في بيتك - يعيش معاك يعني - او تكفله في الدار اللي هو عايش فيها لحد ما يكبر ويتعلم ويتجوز، وممكن جدا تورثه برغبتك، ويقولك يا بابا عادي.

السيد

احد اعظم منتجات العائله؛ او كونك محظوظ بعيله، ان يكون ليك اخوات متباينين، مفيش فيهم واحد زي التاني، السيد عفيفي كان العالم السفلي بتاعي، ولو الخيال كائن، فالسيد و امينه اصحاب الفضل عليا في نمو الكائن ده جوه مخيلتي، وزياراتي لغرز بهتيم ومسطرد مع السيد اخويا، كانت فيلم سينما حي، عالم سفلي حقيقي - لكنه آمن - السيد مكنش بيحب الحشيش، لكنه بيحب المعسل، والغرز دي كانت منصات سعاده غير شرعيه بتقدم شاي وقهوه وشيشه وحشيش وافلام سكس، وانت وهواك بقا، خاصة لما يكون اخوك الكبير متصيت و مسيطر، والكل بيقوله يا عم السيد، كأنه صاحب الغرزه، والشيشه بتنزله اول ما يقعد، مع احلا ميسااء الخيير.

سبوبه

السينما المصريه اعتزلت في التمانينات؛ التسعينات وما بعدها اسمها " سبوبه " مش سينما.

الحاجه

مينفعش تاخد كل حاجه؛ لازم تبقا فيه " حاجه " ليها خصوصيه، حاجه بعيده عن شنبك، حتى لو عندك كل " الحاجات " المذهل و المحير -- مع بعض - انك غبي و طماع، وعينك دايما في " الحاجه "ط اللي مش عندك، ابو الاباء " ادم " كل النعم كانت ملكه، لكنه راح برضو للشجره.

فألهمها

" ونفس وما سواها " فألهمها " فجورها و تقواها "

ربنا " جل جلاله " مش هيحاسب حد على امر كان مجبر عليه؛ ربنا " جل جلاله " هيحاسبك بس على امر اختارته بارادتك.

اوديسيس

اوديسيس؛ في الاوديسه - الوثنيه - فضل 20 سنه بعيد عن بيته، لمجرد انه تحدى الالهه علانية، وتصور انه اقوى منها، 20 سنه كسرو روحه و عافيته، وحولوه لكهل ضعيف مسن، شكري قتل نفسه، عادل اتجنن، كمال فقد رؤى للابد، تجارة المخدرات تحدي صارخ لله، لانها بتدمر صحة و حيوات الملايين، ولو انت شايف انها اعشاب او نباتات، فهي في حقيقتها سموم، وطباخ السم لازم يدوقه.

ابو الاباء

الخالق في الثقافه المسيحيه اسمه " الآب " او " ابو الآباء " وفي الثقافات الروحيه اسمه " الروح العظيمه " والحقيقه ان الصفتين اطيب من بعض، لاسباب ابسطهاا انها بتوصف الخالق بدقه، وبتمنحه القاب اقرب لحقيقت.ه

البحث عن السعاده

البحث عن السعاده؛ حاجه اانسانيه اصيله، مسعى انساني جمعي - كلنا نفسنا نبقا في حاله دائمه من السعاده - وبفيلمم البحث عن السعاده، كريس مكنش عارف ليه الناس دول بيضحكو؟ظ لككنه كان عايز يضحك زيهم، ايا كانت وسيلتهم في جلب االسعاده لانفسهم، وهنا اشكالية السعاده ومعضلتها العظمى، انت عايز اييه عشان تكون سعييد؟ وهل اللي انت عايزه ده موجود؟ظ وهل تقدر توصله؟ البحث عن السعاده سهل نيك، لكن اللوصول ليها، صعب فشخ، لان سعادتك ممكن تكون متشفره، او مينفعش تاخدها، او حرام تاخدها، او مش معاك فلوس تشتريها، لكن خليني اسهلهاللك، اعرف الاول انت عايز ايه عشان تكون سعيد، متعملش زي كريس جارنر ووتسأل: الناس دي سعيده ليه؟ كل واحدد ليه سعادته الخاصه.

ما نيد جر

فرصنا عامله اعلان عن التوظيف؛ جايبه فيه مديري موارد بشريه اسماءهم غريبه فشخ، ومفروض انهم فشيخين فشخ، ومفيش واحد منهم نطق اي كلمه انجليزيه صح اقسم بالله، اعزائي الفشيخين فشخ، اللي مش عارفين تنطقو مسماكم الوظيفي صح بلغه اجنبيه، المدير بالانجليزيه اسمه " ما نيد جر " " مانيجار " دي يقولها سايس جراج، يلعن كسم اللي عمل وظيفه اسمها مدير موارد بشريه من الاصل.

تمشيه

لما سجاره ال ام - فرط - وتمشيه في القطعيه من المطبعه فيصل لحسن محمد - فيصل برضو - ومحمد اللي واقف في كشك السجاير على ناصية شارع السوق - ابو عبيده الجراح سابقا - ينده عليك من جوه بعد سنه من انقطاعك عن الشراء منه - وانت لابس الهود على راسك - عشان يسلم عليك، يخلوك تحس ان الحياه طيبه، تبقى الحياه طيبه، حتى بابسط و اطيب و انقى الاشياء فيها، سجاره و شارع و سلام من القلب.

حسين

حسين فهمي؛ على امتداد تاريخ الموضه - خاصة موضة السبعينيات الزباله - انيق بصوره مفرطه، انيق اناقه مثاليه، دونا عن كل زملاءه الفنانيين في الافلام اللي شارك فيها، رغم قدرتهم على تقليده، او قدرتهم على الاناقه بشكل عام، تحيه كبيره ليه و الله، وتحيه خاصه لاداءه المثالي لشخصية شكري في العار.

العار

بفيلم العار؛ بيموت الحج، وفي اسقاط للمره الاولى اخد بالي منه بينهار كل شئ، التجاره والترف والمناصب، في غمضة عين، وكأن وجود طبيب وضابط وتاجر غير كافي لانقاذ العالم، بل لانقاذ حيواتهم، ربنا لو توقف عن ادارة العالم، بالشكل اللي انت شايف انه غير عادل وغير منصف وغير بلا بلا بلا، العالم هينهار بين غضمة عين وانتباهتها، ولو اجتمع الجن والانس عشان يتصرفو، خيبتهم مش هتكون اقل من خيبة كمال.

حياتي

عفيفي.

نعم.

انت ليه بتعالج نفسك رغم انك غير معني بحياتك؟

لاني الوحيد المعني بنشر جحيم التفاهه الي كتبته في اخر عشر سنين من حياتي.

حاجه

" عبس و تولى؛ ان جاءه الاعمى، وما يدريك لعله يزكى، او يذكر فتنفعه الذكرى "

الايه الجميله دي؛ على لسان ربنا، هي اختزال اسلامي لطقس الاعتراف بالمسيحيه، وان الاعتراف حاجه، والدعاء الى الله حاجه، وان التزكي بصحبة الرسول حاجه، والتوسل الى الله حاجه، ولكل حاجه مقام و مقال.

الاعتراف

الاعتراف بالمسيحيه مش وساطه؛ الاعتراف بالمسيحيه حاجه بشريه فطريه للاتصال البشري المباشر، حاجه لتبادل الحوار، للخلاص من الاثقال، ولا يمكن مقارنته بالدعاء في الاسلام، لان المسيحيه فيها دعاء زي الاسلام.

بنتين

في بنتين صينيتين في غاية الجمال الحقيقه - جمال الروح - بنت منهم عايشه في الريف و بتصور اعدادها للطعام الصيني التقليدي اللي هي نفسها بتزرع مكوناته و بتنقيها بايدها من الارض وبتطبخها على فرن تقليدي بيشتغل بالخشب، البنت التانيه بتعرض اسواق و احياء الصين القديمه، اللي هي زبادي خلاط الصين الحقيقيه، البنتين دول عاجبني لدرجة انهم في التو دو ليست بتاعتي ازورهم واشوفهم في يوم من زوات الايام.

وفره

شئ ابن زواني الحقيقه؛ ان ربنا يخلق كل شئ بوفره - وفره معجزه - وبعدين ييجي 20% من سكان الارض يتحكمو في الوفره دي، ويستغلوها، ويستهلكوها، وكمان يبيعوها - باستثناء الهوا - ومش بس كده، دول كمان يصدرو للناس حقيقة - حقيقة - ان ربنا ظالم و غير عادل وخلق الفقر و الفقرا وطلع دين ابوهم، اعزائي ولاد الزواني، انا بحسدكم انكم اقوى من الشيطان و من ربنا، وعلى يقين ان انتم ورثة الارض الحقيقيين، او بالاحرى، اصحاب الارض الحقيقيين، وطوبى لاولاد الزواني، فإن لعنتي لا تحل عليهم.

الباباوان

فيلم الباباوان؛ معتمد على احداث حقيقيه، ومعجزته الحقيقيه هي الحوار بين الباباوان - بينيديكيت و فرانسيس - الحوار اللي كتبه مؤلف الفيلم، واللي بيعتبر حوار شبه مقدس الحقيقه، صادر عن شخصيات غايه في السريه و القداسه، ورغم ذلك فهو حوار حقيقي و اصيل و ممتع، لدرجة موافقة البابا شخصيا عليه.

تخيل

تخيل معايا كده ان السيد المسيح لم يظهر؛ وان النبي محمد - رسولنا و حبيبنا - لم يظهر، واليهوديه ديانه غير تبشيريه، فميش داعي تتخيل عدم ظهور موسى، تخيلت؟ الحقيقه ان العالم كان هيكون مكان ردئ للغايه - اردء من صورته الحاليه - مكان فارغ تماما من المغزى، حكايه باهته جدا، ملهاش اي ستين مبرر، الدين اعظم حكاية قبل النوم ظهرت عبر تاريخ البشريه، الدين اكبر عزاء، للحطابين في الجبال النائيه، والعجائز حول نيران المدفئه، والثكالى، والمحبون، والصوفيون، والكفره و المؤمنون.

معاويه

عمر بن الخطاب راح بهيله و " فاروقه " و هيلمانه لمعاويه في الشام؛ عشان معاويه وحش وكده، والناس الحلوين المطيعين مش بيحبوه، عمر اتصرع من ابهة معاويه، معاويه رد على عمر رد سيد ابن سادات الحقيقه " مينفعش يبقى بينا و بين الروم مرمى حجر و نتواضع و نسكن في خيام زي الزهاد، احنا لا اقل منهم بأسا ولا مالا ولا عددا، وترهبون به عدو الله بخيلاءنا و كبرياءنا " عمر اشترى من معاويه، وسابه ورجع، الحقيقه اني رغم تواضعي وزهدي ضد التواضع و الزهد شكلا و موضوعا، واحد اعظم تبعات الخلافه هو الوفره المذهله، وابهة السلطان، وظهور المسلمين على العالم فوق العشر قرون.

الجنه

لو دخلت الجنه؛ مش هطلب حور عين، ولا لحم طير، ولا لبن و عسل، لو دخلت الجنه هطلب ست احبها و تحبني، ست اخلف منها عشر عيال احبهم و اربيهم كويس، لان هي دي حاجاتي اللي ما لا رأت عيني في الدنيا، ولا خطرت بقلبي.

خمس دقايق

عفيفي.

ايوا يارب.

تحب تتحكم في العالم خمس دقايق؟

ولا خمس ثواني يارب.

ليه يا عفيفي؟

لاني بقالي 45 سنه مش قادر اتحكم في حياتي يارب.

الخالدون

الامام؛ رفض الحرس الخاص، حرصا على حياته، الحسين، راح كربلاء برجليه، رغم علمه ان كربلاء فيها هلاكه، الامام و الحسين لم يموتوا حتى الان، ولن يموتوا للابد.

سولافه

سوسن بدر نفرتيتي التمثيل وكل حاجه - عشان خاطر المماحين و المنايك بس - لكني بعتبرها مدام عفاف المسلسلات في الحقيقه، وبعتبر ممثله زي سولاف معمار او زينب بالخواجه عبد القادر ممثله حقيقيه عندها ثقافه حقيقيه وقدره مذهله على النطق و التمثيل باللهجه المصريه وقدره مذهله اكتر على عدم التمثيل اساسا والتوحد تماما مع شخص زينب.

زينب

لما تكون الست الاكثر مصريه؛ بمسلسل مصري، من اصول سوريه " سولافه معمار " او " زينب " لاسباب منطقيه اهمها انها ست درست الادب الانجليزي وبعدين درست الدراما وبعدين اشتغلت ممثله بدافع من رغبه حقيقيه مش بدافع من سبوبه حقيقيه.

الطريق الى الله

واعلم حفظك الله؛ ان الطريق الى الله يمر عبر عيون الجميلات الطيبات الحنونات، وانك لن تعبر ابدا الا عبر عيون محبه، محبه للغايه.

ناصر

قبل ناصر؛ وتعليمه المجاني، اللي هو ملوش فضل فيه، لان جامعة القاهره اهداء ملكي من اجل التعليم، كان الطبيب ليه قيمته ومقامه واحترامه، المهندس كذلك، المدرس كذلك، بعد ناصر كل شئ جميل اتحطم على صخرة غباءه وتعطشه للشهره و السلطه.

السودان

متخيل السودان بتعمل دعايه سياحيه لنفسها؛ تحت سلوجن غريب جدا " السودان ثقافه " نحن نرحب بك لتشاركنا ثقافتنا، ثقافة البساطه والاصالة والجمال، ثقافة الصراحة والوضوح واحترام الذات، ثقافة الانسان السوداني.

#خواجه_عبد_القادر

انا بحب يوسف؛ بقدر حبي لكمال؛ لسبب غريب جدا، وهو اني بحب الاشرار جدا، بنفس قدر حبي للاخيار جدا، وتفسير ده اغرب من السبب، تفسير ده ان يوسف شرير عن قناعه، يوسف مقتنع تماما بسلطته و سطوته، يوسف اسود تماما، من غير درجات رماديه، محدد، قاطع، بوش واحد، زي حاج كمال بالظبط، محدد، قاطع، بوش واحد ابيض.

المجتمع

المجتمع - في اي بلد على الكوكب القذر ده - ضاغط لدرجه متوحشه؛ مسيطر كأنه غول، صلاح مثلا، يستحيل يسهر او يحط ايده على موديل مثلا، انت متخيل حجم الرعب اللي عايش فيه نجم بحجم صلاح، بيكهام؛ ميقدرش يخرج 3 ثواني مع ست تانيه غير مراته، عشان صورته ما تتفشخش قصاد الرأي المتناك ابن الوسخه العام، المجتمع كيان قذر مرعب ابن دين كلب.

العقل

" ربنا عرفوه بالعقل "

عزيزي الحمار اللي قال كده - اول حمار يقول كده يعني - اللي هو ملك الحمير؛ ربنا مينفعش نعرفه بالعقل لاسباب كتيره جدا، اهمها اننا هنكفر رسميا، واقلها اهميه ان العقل ميقدرش يستوعب ربنا، مهما طلع القمر او عمل سمارتات و حركات.

فضل الله

بتفرج على الخواجه عبد القادر؛ وبحب الممثل السوداني الوحيد في المسلسل " فضل الله " - اضافه لمحمود الجندي و بنته اللي زي القمر زينب - وبحب بيوت السودان ذات اللون الازرق في ابيض، ومستوره زوجة فضل الله، وكل ما هو سوداني بالمسلسل.

ابويا

ابويا - الله يرحم روحه - كان بيقعد في البيت في الصيف بالشورت الابيض و الفانله البيضا ام نوص كوم، وانا كنت عيل صغير لزج - اخر العنقود - ولما كنا بنقعد نتفرج على مسلسل الساعه 7 و البطيخ و الترمس قصادنا او الفيلم الاجنبي يوم السبت في " نادي السينما " - ابويا كان مزاجنجي و كييف يروح سينما - كنت انام على الارض جمبه - ابويا كان بيحب يقعد و ينام على الارض - زي الامام الخوميني اللي امي كانت بتقول لابويا " طب و النبي انت شبهه " - واحط راسي على فخده نص العريانه، فكان - طيب الله ثراه - يشد طرف الشورت اوي عشان يبقا تحت راسي قماش او دفايه، ولما كنت انام على فخده في الوضعيه العجيبه دي، كان يشيلني بايده الشمال - كنت دايما انام على رجله الشمال - وينيمني مكاني كانه بينيم قطه او كلب، التفاصيل دي عن علاقتي بابويا لا تقدر بثمن، وغالبا هي سبب تحملي للحياه حتى الان.

الضالين

" غير المغضوب عليهم؛ ولا الضالين "

ربنا نفسه؛ بشخصه، مقالش مين هم المغضوب عليهم، ولا مين هم الضالين، فارجوك يعني متفتيش، ولا تصدق كلام الفتايين، لا هم اليهود ولا المسيحيين، هم علمهم عند الله فقط لا غير.

عشرات

حيوان منوي؛ بيقول لحيوان منوي جمبه، لما اكبر نفسي ابقى دكتور، رد الحيوان التاني: وانا لما اكبر نفسي ابقى مهندس، ولما كان الحيوان التالت قاعد بعيد حزين وساكت سألوه: وانت لما تكبر نفسك في ايه يا حمزه؟ رد حمزه قال لهم: نفسي الخول اللي احنا جوه بضانه يبطل يضرب عشرات.

#قصة_الخلق

عفيفي.

ايوا يارب.

انا هخلقك.

اشطا يارب.

حياتك مش هتكون سهله.

ليه يارب؟

ليا اسبابي.

موافق يارب.

مش هتكون سهله يا عفيفي.

برضو موافق يارب.

ليه يا عفيفي؟

انا مش هتخلق كل يوم يارب.

الامانه

" انا عرضنا الامانة على الجبال "

انت تعرف ايه هي الامانه؟ غالبا متعرفش؛ ولا حتى الفتايين اللي فسروا كلام ربنا يعرفوا، الامانه اللي رفضتها الجبال - وهي كائنات ثابته صامته - هي " الخيار " الجبال قالت لربنا احنا مش عايزين الحق في الخيار، احنا مش حمل المسئوليه الرهيبه دي، الانسان بقى بحلاوة اهله قبلها، الانسان قال لربنا انا هشيل الامانه المرعبه دي " انا هختار " وللاسباب دي ربنا وصفه انه " ظلوم جهول " حمار يعني وظلوم لنفسه، لان الاختيار ده اصعب مسئوليه ممكن يواجهها كائن.

الدين

احد اسباب خلافاتي العتيده مع الدين؛ هي محاولاته ترويض الوحش بيا، انا مكونتش عايز الدين يلوي طباعي و يهذب غريزتي، كنت افضل اكون شقي و عنيد و شرير، طبيعتي وانا طفل صغير لم يتخطى السادسه افضل بالنسبالي بكتير من طبيعتي الطيبه الوديعه المسالمه البضان بعدد تدخل الدين العنيف في حياتي.

مولان

فيلم مولان؛ النسخه البشريه - مش الرسوم المتحركه - فيه مشهد بيصور زحف الهون على الصين - الهون زي المغول؛ قبائل اجتاحت العالم زي الجراد - المشهد مهيب لدرجة انه اول مشهد بفيلم تاريخي يصور معنى مصطلح الزحف فعليا.

السينما

ليه احنا بنحب السينما؟ ليه بنحبها كمان بجنون؟ كأنها شئ كامل؛ او مهم، او ضروري للغايه؟ لان السينما بتعيد ترتيب و تشكيل تفاصيل الواقع بصوره مثاليه، صوره اقرب للكمال، وابعد ما تكون عن عبثية الواقع و عشوائيته.