فرانكو

فرانكو؛ جنرال اسباني ابن وسخه، زي اي جنرال ابن وسخه، فرانكو قاد انقلاب عسكري سنة 1936 واطاح بالشرعيه، وتزعم حرب اهليه استمرت 3 سنين، راح ضحيتها نص مليون اسباني، فرانكو تم نقل رفاته اخيرا من ميدان الشهداء، اسبانيا اخيرا فصلت جثمان الجلاد عن جلاديه، العقبى لمصر.

البريئه

بس دي شكلها برئ اوي يا عفيفي.
يعم و الله انت اللي شكلك حمار,
ليه؟
عشان البنات البريئه دي بالذات دكتور جيكل و مستر هايد.
يعني ايه؟
يعني وحوش كاسره مستتره.

مؤمن

انت لا مؤمن؛ ولا حتى متدين، انت صحيت من النوم لقيت اهلك مسلمين، فقلت اشطا، هذا حسن.

شره

عبدة الشيطان؛ مش بيعبدو الشيطان باعتباره الشيطان، ابسوليوتلي -- بصوت اللمبي -- عبدة الشيطان بيعبدو الشيطان باعتباره الاله، وبيعبدوه لسبب واضح مباشر محدد، اتقاءا لشره.

بورن

صناعة البورن - الوحشه -- انقذت حيوات ملايين منذ الازمه الاقتصاديه الطاحنه بالعام 2008 حتى الان، اكتر من اي صناعه تانيه عرفها التاريخ.

الوشم

الوشم و الحلق و المثليه؛ مش معناهم اني مخنث و لوطي و ديوث، معناهم ان في حد بعبص اعدادات المصنع بتاعتك، فبقيت انت شخص اببن متناكه جدجمنتال.

الزاهد

يتملكني الغرور؛ الغرور الشديد، الغطرسه، يتحكم بيا الايجو، اشعر ان الامر على ما يرام، ربما افضل الامور قاطبة، يخبرني الزاهد ان كل الاثام تصدر عن الغرور، وانني ادفع ثمن غطرستي، ابصق بوجه الزاهد، واركل مؤخرته، واصيح به " يالا من هنا يبنلوسخه ".

اوروبا

اوروبا؛ قاره عنيده، عنيده للغايه، قاره معتده بنفسها للغايه، قارة قدرت تتخطى عشر قرون من التسلط الديني، وتمن قرون من التسلط الاسلامي، وحربين عالميتين، اوروبا قاره قادره على التعافي و البقاء بمنتهى القوه و الاناقه.

بلح

" من تصبح بسبع تمرات من عجوة لم يضره ذلك اليوم سم ولا سحر "
ده حديث منتشر بين بياعين البلح اون لاين - حتى المحترمين منهم - من ضمن تخاريف البخاري القاتله؛ الاساءه العظيمه لشخص الرسول، وذكر النوع ده من الهري المخجل على لسانه، لا الرسول طبيب، ولا العجوه علاج للسم او السحر.

الطبيب الطيب

دكتور شون مورفي؛ اخيرا حصل على حق اجراء عمليته الجراحيه الاولى - العمليات الجراحيه الاولى بتكون حدث جلل و مشرف للاطباء الشباب؛ وبيستنوها بفارغ الصبر لاثبات جدارتهم - عملية دكتور مورفي كانت ائصال جزء من مرئ سيده مش هتقدر تاكل بعدها طول عمرها، وهي عمليه - عمليا سهله - ونجاحها مضمون، الا ان الوازع الاخلاقي اللي بيحمي المسلسل من اوله لاخره، خلا دكتور ميرفي يتوقف بمنتصف العمليه و يرفض اسئصال مرئ الست - لسبب اخلاقي - هو ان الست تقدر تنقل جزء من امعاءها وتعيش وتاكل بيه عادي - بناءا على تجربه يابانيه ناجحه لكن معقده - ميقدرش هو يعملها، صراع دكتور شون الاخلاقي قدر ينقذ حياة الست ويرجعلها قدرتها على الاكل لبقية حياتها عادي، لمجرد انه حسم الخلاف بين الايجو اللي جواه والتصرف السليم اللي مفروض يحصل.

تطبيق

بسجل بياناتي في تطبيق شركة بورن محترمه؛ التطبيق قالي " نزل كرشك الاول يا عفيفي "

صوفيه

الصوفيه دين؛ مش مذهب، مش توجه عقائدي او عقلي، الصوفيه عقيده، عقيده بتنزع عن الله كل الشرور اللي لصقتها عليه الاديان، عقيده بتحب الله، وبتصوره طيب، سمح، محب لكل المخلوقات، اله ادمي، مش اله توراتي ابن وسخه.

آل عفيفي

يتميز آل عفيفي بالاناقه و الوسامه و الطيبه و حدة الطبع؛ لا توجد درجات للغضب لديهم، اما ابيض واما اسود، اما طيبه شديده للغايه او غضب جامح للغايه.

غمض عينك

غمض عينك.
اغمض عيني؟
ايوا.
ليه؟
لحد مقلع هدومي.
يلنا؛ انتي زوجتي يا امي.
احمد؛ انا لسا بخجل منك.

اسم الله

اسم الله؛ مرأى الاطفال، صوت البيانو، عزف الكمان، اسباب اربعه تجلب الدموع من عيوني مدرارا.

علاقات

عرفت اربع بنات؛ بنت منهم طلبت مني اقيدها، وبنت اضربها، وبنت اشتمها، وبنت اهينها، لحد عشر سنين من عمري كنت متصور ان الروايات بتبالغ، وان النفس البشريه سويه، وان يستحيل العلاقات ممكن تكون كده.

نيكوس

نيكوس كازانتزاكيس؛ صاحب زوربا و الاخوه الاعداء، مش بس شبهي - او انا شبهه - نيكوس حاد للغايه، صريح للغايه، حقيقي للغايه، ثالوث و جمال صربي و منوي احد اسباب اصراري على قيد الحياه - رغم رفضهم المزمن من دور نشر العالم التالت - مش لاني روائي تافه، لكن لان دور النشر بالعالم التالت جبانه.

الحب

لولا؛ اللعوب بفيلم الاخوه الاعداء، بتحب، وبتقرر تنهي اعمال القمار بالفندق بتاعها، وتقطع علاقتها بالرجاله، في مواجهه صريحه بتعني خسارتها لمالها و اعمالها، سنة 2005 و سنة 2010 اقلعت عن التدخين، في المرتين اللي حبيت فيهم فعلا، اقلعت عن عشقي المستبد للنساء بشكل مطلق، واكتفيت تماما بالعاطفه الحقيقيه دي " الحب " الحب اقوى هديه ممكن تغيرك فعليا، الحقيقه انها القوه الوحيده اللي ممكن تغيرك فعليا، من جوه، من الكور، من اعدادات المصنع، ان لم تكن هي ذات نفسها المصنع، او المنشأ.

مراهقه

وانا مراهق؛ محمل بكل صفات المراهقه، من تخلف عقلي لخجل لتقليل الذات، كنت متصور اني شكلي وحش، مناخيري كبيره، شعري اكرت، كنت منتبه تماما للشكليات - لشكلي - مكونتش قادر افهم ان الشكليات دي اكبر خره ممكن تواجهه في حياتك، وان الساشيه اهم حاجه، ثباتك، صلابتك، ثقافتك، اهم مليارات المرات من شكلك.

اكاذيب

اكاذيب ناصعه:

1- الحريه.

2- الديمقراطيه.

3- العداله الاجتماعيه.

الحرام

اموال السلاح؛ والمخدرات، والقمار، والبغاء، والخمور، والبورن، هي الاموال المسيطره على الكوكب، الضرائب اللي بيدفعها المواطن الشريف بترجعله تاني قطعا، لكن بترجعله في طيزه، المال الحقيقي هو المال الحرام.

منصات

الكحول؛ القهوه، السكائر، منصات للسعاده على الكوكب، منصات قاتله، قتل رحيم.

الجميله

تقتلني الجميله بابتسامه واحده؛ اقاوم، تجهز علي بلون عينيها.

ضحكات

ضحكات النساء لا تتغير؛ التقادم بالسن لا ينال منها، وكذلك الوان عيونهن السحريه.

السيد

السيد عفيفي صغير في الحلم؛ شاب، ذكوري للغايه، انيق للغايه، بدله بصديري، وقالع الجاكت و بياكل معايا، السيد متجوز ست في السر، ومخلف منها، وعازمني على سمك بلطي مشوي، وبيزعق لمراته في السر و بيشتمها و مراته بتتقبل طبعه عادي - ويمكن بترحب بيه و بتحبه - السيد جميل في الحلم كما كان في الحياه، بكل تفاصيله المتناقضه، الاناقه و الوسامه و الطيبه و حدة الطبع، لروحك السلام يا اخويا، ولروحي انا كمان.

علاج

كنت بستغرب جدا من عشاق المزيكا؛ كنت بستغرب جدا من الولاد و البنات اللي بيعلقو السماعات في ودانهم طول الوقت، كنت بستغرب اكتر من الولاد المؤمنين بالمزيكا - كأنها عقيده - دلوقتي بقيت ممسوس زيهم، معرفش تقريبا اقعد على الجهاز منغير مزيكا، لدرجة ان المزيكا عندي بقت اقرب للعلاج.

منقذة الارواح

تنقذني الموسيقى كل يوم؛ فيروز، فيفالدي، موزارت، كايرو كي، وسط البلد.

فوكال

كنت عامل خطه مجنونه - بحال فوزي باي مسابقة روايه محترمه - كنت هدرس فوكال و اعمل فريق اندر جراوند زي كايرو كي ووسط البلد ومسار اجباري و مدينه.

قلب الاب

البنات اللي بتعرفني؛ لما بتقابلني بتاخدني بالحضن، مش عارف هل لاني شوجر دادي، ولا لاني مش راجل ابن وسخه، ولا لاني عندي قدره استثنائيه على التلامس البشري المحايد، يعني ممكن جدا احضن بنت بقلب الصديق او الاب، بغض النظر عن جمالها او انوثتها.

كايرو كي

كايرو كي؛ فريق ايقوني، ليه؟ محافظ على روح الفريق حتى الان - بعد 16 سنه تقريبا من بدايته؛ مش من ايام الثوره بس - كل واحد في الفريق فاهم و قابل دوره في الفريق، مفيش حد منهم عنده احلام الانفصال او الغناء سولو، ودي احد اهم اقوى سماتهم، اغلبهم ولاد ناس، غير معنيين بالمكسب او الجري ولا لقمة الخره، ودي ميزه هم محظوظين بيها، مؤمنين بالمزيكا، بنفس قدر ايمان المؤمنين بعقائدهم، تقدر تقول كده المزيكا دينهم.

ولاء

قدريه عفيفي مش مصدقه اني ممكن اشتري ولد و بنت يخدموني؛ عزيزتي قدريه؛ انا في عز ظروفي الزباله دي، بشتري ولاء الناس بمنتهى السهوله، عزيزتي قدريه، انا واثق من قدرتي على شراء عشر ولاد و عشر بنات، مش ولد و بنت.

ابو الحكم

ابو الحكم ابن هشام؛ او ابو جهل حسب توصيف المسلمين، هو احد اشرف رجال مكه، ابو الحكم كنيته مش اسمه، لان المكيين كانوا بيحتكموا لرأيه، عمرو ابن هشام كان صاحب الرفاده و السقايه للبيت، قبل ما انت تبقى مسلم وتكتب البيت باسمك.

الحق

العدد الكبير؛ مش دليل على الحق، في مليار هندوسي بيعبدو البقره.

عزاء

قارن عدد المساجد بالتجمع؛ بعددها بفيصل، هتعرف ان الدين عزاء، وان اهل التجمع في حل من العزاء.

الجبلي

العسل الجبلي افضل علاج للامساك.

ماريس

ماريس؛ الرقاصه الروسيه، اكتر ست بتفكرني بالرقص الشرقي الحقيقي، سعاد في خلي بالك من زوزو، وساميا في حبيبي و عنيا، ست غير شرقيه، بترقص شرقي افضل من كل العجلات المصريات.

ابو لهب

ابو لهب رجل شريف؛ كل رجل ثابت على مبدأه هو رجل شريف، المجانين و العجزه و المختلين بس هم اللي يدخلو اي دين افواجا، كانه بلاك فرايداي.

نمط

نمط الحياه بالولايات و اوروبا؛ نمط حياه فائق الغرابه، ممثلين البورن - الستات و الرجاله - بيتجوزو عادي، ويخلفو عادي، ويمارسو المهنه عادي.

مشاهدات

مصطفى شوقي فخور فشخ بعدد مشاهدات اغنيته ملطشة القلوب؛ عزيزي مصطفى، انت كيوت لا جدال، لكن المشاهدات دي كلها كانت بتشاهد الرقاصه اللي معاك.

اللوح القرمزي

" ارواح الاباء و الاجداد لا ترحل؛ لا تسكن بالبرزخ، حيث لا يوجد ما يسمى بالبرزخ، ارواح الاباء و الاجداد تبقى، تشاهد، تراقب، تساعد، او ترثي لحالك "

نيو

نيو؛ بالماتركس، باختصار شديد، هو ايمانك الشديد بنفسك.

اورورا

اورورا؛ فيلم فلبيني، بطلته قمر جدا، عندها فندق صغير على الشاطئ، الشاطئ بيتم غلقه بسبب غرق سفينه، ليانا بتقرر تفضل بالفندق، لانه مكانها الوحيد على الارض، وبتقول للمحقق: لو سبت الفندق هغرق انا كمان؛ الموت مش بالضروره يكون على سفينه غرقت، الناس بتغرق كل يوم على اليابسه من الوحده و الحزن و الفقر ".

البلح

عايز تفضل مؤمن؛ مؤمن بدينك الكيوت الوحيد، ما تتفرجش على افلام، ولا تقرا روايات، ولا تطلع على ثقافات الاخرين، لانك لو عملت كل ده، هتحس ان دينك مجرد ثقافه من ضمن ملايين الثقافات، وانك مؤمن ببلح، بس بلح يختلف عن بلح الاخرين.

المحروسه

اعظم حاجه في المحروسه؛ انك تنزل 3 الفجر تضرب كوشري، تلاقي المحل فاتح، ومليان باشقاءك الجعانين، تروح تجيب سجاير، تلاقي برضو اشقاءك الضريبه بيستقضو حاجتهم من الكيف، لدرجة انك ممكن تشك: هو انا نازل 3 الفجر ولا 3 العصر؟

الحب

انت مش محتاج غير حد يحبك في الدنيا دي؛ الحب هو المصدر الوحيد للسعاده، الايمان والفلوس والنجاح شكليات، مفيش حاجه واحده منهم ممكن تسببلك السعاده، ولا حتى كلهم مجتمعين.

الفقر

كنت عارف اني الصغير؛ وكنت مدرك ان اخواتي هيكونو معذورين في صراعهم مع الحياه، وان رحيل والدي هيكون مبكر، واني هكون لوحدي، عشان كده عملت ملايين المحاولات للفرار من الفقر، كلها قربتني اكتر من الفقر.

فيروز

قديش كان في ناس؛ اغنيه زمكاية اقسم بالله، اول ما تبتدي، بلاقي نفسي وسط ابويا و امي و اخواتي في بيتنا القديم، دخلة البيانو بس، بتنتقلني السبعينات في ثانيه الا ثانيه.

نكتة القرن

نكتة القرن؛ ان خطاب الاخوان يكون ديني، بين شعب ابن وسخه لاديني.

المحروسه

الحيوان اللي سمى مصر المحروسه؛ مكنش يعرف انها طول عمرها محتله؟

عبد الناصر

وانا بجسد شخصية عبد الناصر بفيلم وثائقي - انا بجسد عبد الناصر - البنتين بتوع الملابس كانوا بيتكلموا بالانجليزيه وهم بيلبسوني، البنتين غير متوقعين ان الكومبارس ممكن يفهم عربي اساسا، بعد شوية رغي منهم كده سألتهم: الكلام الاجنبي ده حلو ولا وحش؟ البنتين بطلو ضحك وسألوني: انت ايه رأيك؟ رديت: I'm not here to judge you البنتين بصولي وتنحو و بعدين ضحكو جدا وقالولي " احنا اسفين يا ريس ".

احيانا

احمد مكي؛ احمد حلمي، احمد عز، احيانا بحس ان اللسته دي ناقصها احمد عفيفي.

الكشف

بيوم الحساب؛ سوف اطمئن تماما، لان اسمي سقط من كشف الاحياء، وبالقطع سوف يسقط من كشف الاموات.

اشتراكيه

للامانه فقط؛ ربط حمار الاشتراكيه الاكبر التعليم بالتوظيف، ربط مهين للتعليم، الجامعات معموله عشان تتعلم فيها تخصص بتحبه، قد تعمل بيه او لا تعمل بيه، لكن ربط الشهاده بالوظيفه بشكل حتمي ده ارث زباله انتجته العقليه الاشتراكيه الزباله بزمن الستينات.

الحقد

يتسلل الحقد الى قلبي؛ انظر اليه بعيون ميته، يستقر بالزاويه، ويبتسم ابتسامه صفراء، انطق: كيف دخلت بحق الجحيم؟ يرد: لقد تسللت عبر عيونك الميته.

حظ

لا قدر هناك؛ هناك حظ سعيد للغايه او حظ تعيس للغايه، وبين الحظين يركض الحالمون ركض الوحوش.

الملحد

الملحد مش بينكر وجود الله - على الاطلاق - الملحد بيرفض وجود الله، لان الوجود ده بالنسبه للملحد زي عدمه، وفي الحالات الاشد خصوصيه، الملحد بيحس ان الله مش واخد باله من وجود الملحد في الحياه اساسا، فبيقرر هو كمان مياخودش باله من وجود الله اساسا، ودي حاله من الانتقام الصامت بيكونها اللاوعي رغما عنه

دبي

الخلافه مش هترجع؛ عارف ليه؟ لان الخلافه قامت بالقوه، مش بالحب، وانت من ضمن 22 دوله عربيه خولات، لا عايزين خلافه، ولا عايزين اسلام اساسا، عايزين نفط، ودولار، وبيوت دعاره بحجم دبي.

اسرائيل

انت زعلان ان اسرائيل احتلت فلسطين سنه70؛ لكنك مش زعلان انك احتليت اسبانيا 800 سنه، الحقيقه انا كنت اتمنى اسرائيل تحتل الشرق الاوسخ و شمال افريقيا، يمكن ساعتها كنا بقينا بني ادمين ولينا حقوق.

المكتبه

اكتر حاجه عجباني بفيلم الخليه - بعد احمد مز - هي المكتبه بعرض الحائط في بيته.

اسلام

لما بزور اميره بنت اختي؛ بقعد اسلام ابنها على رجلي، لاطول وقت ممكن بكون عايزه ملتصق بيا، الاتصال بيني و بين الاطفال، بقى اطيب عندي من اي اتصال.

حضارات

الحضارات مش بتقوم ليها قومه؛ والمتصور ان الحضاره الاسلاميه ممكن تستعيد مجدها، زي بالظبط اللي متصور ان دكتور محمد مرسي الله يرحم روحه راجع.

جواز

بالجاهليه؛ انت كنت ممكن تشتري جاريه، او تروح لصاحبات الرايات الحمراوات، او تستبضع امرأه عجباك، الاسلام اختزل كل المعاملات الجنسيه العبقريه دي في افشل علاقه بشريه اجتماعيه وسماها جواز.

اللمبي

محمد سعد عامل حلقه اسمها اللمبي في زمن الجاهليه؛ بيتنقل فيها للجاهليه، وبيفضل طول الوقت متصور ان ده لوكيشن و تصوير، لحد ما بيكتشف ان الامر حقيقه، وان دي قريش فعلا، بغض النظر عن الفانتازيا، احنا ممكن فعلا نعيش حياتنا كلها واحنا متصورين انها حقيقه، بحين انها بالحقيقه فيلم سخيف جدا، مرغمين على تصديقه.

بغاء

مفروض يبقى فيه بيوت بغاء للستات؛ يعني الست من دول تستبد بيها الرغبه، تروح على طول تنقي راجل تمارس معاه الجنس.

تفاصيل

همهمات شهد و حبيبه وام يوجين وام معتز؛ سلامات محمود و الحج محمد عنتر وهزارهم الفاحش وضحكهم، صريخ فاطمه على العيال تحت العماره، سفالة العيال في الشارع ووقاحتهم وهم بيندهو على عبد الله و محمد عبد المعز الساعه 2 بعد نص الليل، محمد علي اللي لازم اصحابه ينادوه باسمه ثنائي " محمد يا علي " تفاصيل بتعدي جدران بيتي و تونسني وترقص حواليا.

قبل الشتا

بفتح برطمان السكر؛ بلاقي نمل، برمي النمل و السكر في القاعده - بعد شهر - بفتح البرطمان؛ بلاقي نمل، بقرر اسيب النمل يجمع حصته من الاكل قبل الشتا.

ابن تيميه

ابن تيميه كان متشدد لاسباب؛ المغول كانوا فاشخين المسلمين، والمسلمين كانت همتهم زباله، للسببين دول ابن تيميه تشدد للغايه، واطلق صفة الكفر على المغول، ولم يتهاون مع ضعف المسلمين، وكانت احكامه حاده للغايه، في زمن كانت حدة الاحكام ضروره، كل شئ مرتبط بزمنه، حتى القران نفسه.

مراتي

لما كنت بتضايق او بتعب؛ مراتي الله يسعد ايامها كانت تبصلي وترقص حواجبها وتضحك، انا ضحة الستات بتأسرني، وخفة ظلهم كمان، ومراتي كانت بنت نكته زيي، وجميله وذكيه، وعارفه ان ضحكه واحده منها كفيله تحولني لكائن الكوكو السعيد.

العاصمه

عزيزي دكتور احمد خالد توفيق؛ يوتوبيا مش روايه، يوتوبيا نبوءه.

الراجل

شاروت للميكروباص الترامكو؛ بسوس؟ لقيت عمده بيسوق، شاورلي، طلعت، الراجل يستحيل يكون سواق، لا مظهره ولا حجمه ولا اتيتيوده ينتموا لسواق، العربيه تقريبا فاضيه، وهو غير مكترث بانها تتملي، اللي بيشاور بيقفله، الراجل مهيب، صموت، فكرني بأبويا، كف ايده لوحده يتحب، صوابع منتظمه سميكه، متزينه بفص عقيق، خرج علبة السجاير، عزم عليا، قلتله مش بدخن، ولع سيجارته بمنتهى الاناقه، لدرجة اني حسيت اني راكب اوبر، ومكونتش عايز انزل من حضرته.

الاخبار

سنة 1992 وانا شاب عمري 20 قابلت الاستاذ هشام المصري المصور الصحفي بجريدة الاخبار، الاستاذ خدني معاه مبنى الجريده، وانا واقف متنح بتفرج على البهو، ندهني: احمد؛ يالا بينا. يالا بينا على فين يا استاذ؟ يالا نطلع؟ انا هدخل الاخبار؟ يضحك: ايوا يبني. دخولي الاخبار بعمر مبكر، بصدفه بحنه، خلاني حاسس اني داخل المريخ، قاعة المصورين المهيبه - او هكذا راتها عيني - جلال المبنى و الصحافه - شهرة الاخبار، كنت عامل زي المسحور، ويمكن ده سبب مساعدة الاستاذ ليا، اني كنت عامل زي الاطفال، وصريح و تلقائي، بتحب البنات يا احمد؟ مبحبش اكتر منهن يا استاذ؟ انت ممكن تصور جسم عريان؟ انا احب اصور جسم عريان. ليه؟ الجسد البشري جميل بجنون. انت هتكون مصور ممتاز يا احمد.

الخالق

لقد خلق الله المرأه؛ ثم وقع بهواها، لا خالق تفرد بخلق العيون الزرقاء والخضراء والبنيه والسوداء كما فعل الخالق، لا خالق تفرد بخلق الشعر الاحمر والذهبي والاسود والاشقر كما فعل الخالق، كيف لا يقع الله بهوى الجمال؟

القبله

ولد اعرفه رجع من اوروبا؛ الحقيقه انا معرفتوش، توم كروز في نفسه كده، او تقدر تقول اوروبا ايفيكت، كنت بتشتغل ايه هناك يبني؟ كنت بشتغل النسوان. انا بتكلم بجد. وانا كمان بتكلم بجد. يعني ايه بتشتغل النسوان؟ يعني بعرفهم واقلبهم. ودي شغلانه؟ دي اعظم شغلانه. كل ده طبيعي ومنطقي، لحد ما المغرب اذن ولقيتو بيسألني: القبله منين؟

خلود

المرأه في الرداء الاحمر؛ برائعة مارتن، خلعت عن نفسها نير الخلود، بمجرد خلاص العالم من آخر شروره، الخلود امر مزعج للغايه، لا جمال ان تظل بالحياه مائتي عام، الرحيل عن العالم احد اطيب العلاجات عبقريه، اجل، الموت، الموت احد اطيب النهايات على الاطلاق، حيث ان الخلود جمبا الى جمب مع الحياه، هو اكثر الرغبات سخافة على الاطلاق.

فراش

الاحداث في الولايات - الاحداث الهومليس او الفقرا - ممكن يرتكبوا جنايات بسيطه عشان يدخلوا مراكز اعادة التاهيل، حيث الفراش و الطعام و الماء النظيف.

الكلاب

انت تعرف ان ميزانية طعام الكلاب الاليفه بالولايات؛ تفوق ميزانيتي التعليم و الصحه بمصر، يعني احنا فعليا اقل من الكلاب.

باباظ

لما بدخل محل حلويات كبير؛ بحس اني هيجيلي تخلف عقلي، الفارايتي دايما مرعبه، وكل حاجه حلوه، وبرضو بطلب باباظ.

الخواجه

الخواجه اشترى لمبه من المعز - اضاءه معلقه معدنيه - بسعر 500 جنيه؛ مش كتير يا خواجه؟ خبيبي؛ دي نبيعها عندنا بسعر 500 دولار.

مصر

مصر؛ كنز استثماري استراتيجي، الاجانب بينزلوا القاهره الفاطميه، يشتروا كنوز الصناعات اليدويه التقليديه بملاليم، ويبيعوها عندهم بملايين.

سانت كاترين

عسل نحل سانت كاترين؛ احلا عسل ممكن تدوقو في حياتك.

هدهد

حسن هدهد في كابوريا؛ شخصيه حقيقيه، عندها اعظم مصنع زجاج في القاهره الفاطميه.

نفسي

نفسي اعرف بنت اون لاين؛ ولما اطلب منها نودز وترفض، اقولها يبت انتى مراتي.

الروح العظيمه

عزيزتي الروح العظيمه؛ انا سعيد ان ارواح والدي ووالدتي انضمت ليكي بعمر مبكر، قبل ميشوفو خيبتي التقيله يوميا صوت و صوره.

المشبوه

لما كنت بشوف المشبوه والهروب وحب في الزنزانه وانا صغير؛ مكونتش اتوقع ان الحياه ممكن تكون بنت زواني لهذا الحد، كنت بفترض انها افلام، حيوات ابطالها خيال من وحي مؤلف، مكونتش هصدق في اسوء كوابيسي ان الحياه ممكن تهندلني بالقذاره دي.

مودي

جدير بالذكر؛ ان مودي الامام، اللي انا قابلته صدفه بشارع مصدق وسلمت عليه، احد ايقونات التمانينات الموسيقيه.

المنطق الذكوري

المنطق الذكوري؛ صفه في الرجال، صفه شبه غريزيه، وهي ان الراجل يبقى حاسس جدا برجولته، او بالاحرى تفوقه، خاصة مع الجنس الاخر، والجنس الاخر مهما تعلم او تثقف او بقى اندبندنت، بيحب الراجل الذكوري، الغيور، الخشن، الرخم، الجرئ، الوقح.

منتصر

التحولات الجذريه دي شئ عظيم؛ منتصر بالهروب بعد خروجه من السجن قتل ومارس الجنس مع رقاصه، كده مباشرة ورا بعض، كل قيمه القديمه انهارت بفعل الظلم و السجن، كل دفاعه عن الخير والحق والجمال مات، مات كانه لم يولد.

الارمن

الارمن حاولوا ينفصلوا عن العثمانيين؛ العثمانيين قتلوا مليون منهم - مذبحة الارمن - في اول هولوكوست بالتاريخ الحديث، الاباده الجماعيه مكنش ليها علاقه بالطائفيه او الدين، بقدر علاقتها بالتسلط والسياده.

رهاب السعاده

سنة 2014؛ يوم 14، شهر يوليو، كنت قاعد على بي اس بالزمالك، بصدفه من صدف حياتي العجيبه، جت قعدتي قصاد بنت اجنبيه، البنت كانت قاعده مع ولد و بنت، في البدايه كانت مجرد بنت، بعد شويه بقت بنت بشعر دهبي و عنين خضرا، شويه كمان بقت مثيره بفضل الجزء الظاهر من نهودها، شويتين ولغة الجسد من على مسافة 30 متر قالتلي ان الولد جمبها مش صاحبها، وانها غير مرتبطه، وخجوله، ومتعلمه، ومثقفه، وبنت ناس، قررت اقوم اكلمها، مش عارف كنت هقول ايه؟ لكني مقومتش، صورة يلنا ظهرت قصادي، وعلاقتنا طبعا، وجري في عقلي مليار سؤال بسرعة الضوء: ولو كانت مرتبطه؟ طب لو مكنتش مرتبطه وانت عجبتها وبعدين برضو انفصلت عنها؟ خوفي من ارتباطي بيها، كان اعظم من خوفي من عدم ارتباطي بيها، الالم اللي مارسته بعد زوجتي وبعد يلنا، خلاني خايف اقوم اكلم البنت اللي عجباني، وشبه واثق اني هقدر اكلمها، الالم اللي روضني في منطقة راحه مش عايز اخرج منها، منطقة راحة لازلت فاكر فيها البنت حتى الان، بعد خمس سنين، وانا بسأل نفسي: ليه مروحتش تكلمها؟

سباحه

العاملين على البواخر و المصافي - محطات تكرير البترول بالمحيطات - مش بالضروره يكونوا بيجيدوا السباحه، لانهم طالعين يشتغلوا، مش طالعين ينطوا في البحر.

مصافي

محطات تكرير البترول بالمحيطات؛ بتتأثر بالامواج، امواج المحيط، القويه لدرجة خروج المصافي دي من الخدمه بعد عمر معين.

هانا

بفيلم الحياه السريه للكلمات؛ هانا مش بتتاخر على شغلها ولا بتاخد اجازات، هانا بتغسل ايديها مره واحده بس بالصابونه وبعدين بترميها، هانا بتفتح مقابض الخزانات وبعدين تمسح ايديها من التراب، هانا بتفطر و تتغدى شوية رز و حتة فراخ ونص تفاحه، هانا مديرها بيرجوها انها تاخد اجازه وتسافر تغير جو، لما بتفرج على شخصيات دراميه زي هانا، او اقراها في روايه، بحس اني انا نفسي شخصيه في روايه، لاني بعمل كل الحاجات اللي بتعملها هانا.

تعلّم

للتخلص من وضعك البائس المزري " تعلم " التعليم بارجاء الكوكب قاطبة هو طريق الخلاص، الخلاص من الفقر، والجهل، والنكران، تعلم صنعه، مهنه، حرفه، تخصص، كارير، انت وحدك تماما فوق ذلك الكوكب، لا احد سيدس لك جنيهات اسفل الوساده كل صباح، ولن تدللك الحياه غير العادله، ولن يساندك الحمقى الاغبياء ممن يسفهون من قوة التعليم، لانهم حمير التعليم الناصري المجاني، تعلم الانجليزيه، اليابانيه، الصينيه، الروسيه، الكوريه، تعلم الحياكه او تصفيف الشعر او تجميل الوجه، تعلم التسويق الرقمي المجاني عبر منصة جوجل، المهم ان تتعلم، والاكثر اهميه ان تدفع نفسك للجلد و الصبر، لا شئ مجاني بهذا العالم، والحالمون تسقط فوق رؤسهم السماء.

التدخين

التدخين لا يؤدي الى الوفاه؛ التدخين طريق ارادي للوفاه.

كتارا

كنت اشتركت في كتارا 3 مرات؛ كتارا جايزة روايه قطريه، وللعام التالت على التوالي اخسر، 3 مرات خساره خلوني اتاكد اني بياع بليله، واني ضروري ادور على ناصيه حلوه كده اقف عليها بالعربيه بتاعتي، سارا سيد الله يسترها قالتلي ندور على اسباب الخساره يا احمد - سارا الله يسترها تاني بتقولي يا احمد مش يا عفيفي؛ وبصوت ولاد الناس، اللي فيه احمد في اولها همزه مش عين - ممكن يكون التصحيح او المراجعه، وفا علوش الفائزه بالمسابقه السنادي صديقتي، بسألها: يكونش التصحيح و المراجعه يا وفا؟ قالتلي احمد؛ انت زي الفل، هم تقليديين جدا، ومنوي و جمال صربي قلمين على وشهم. كنت متصور ان كتارا مسابقه غير تقليديه، وكنت تقريبا جالي احباط على اكتئاب، لكن فوز وفا بصرني بالمطبخ جوه، كتارا مسابقه عايزه حد يحكي عن جذوره وعيلته وارضه ووطنه، زي ساق البامبو كده، وكومة قش لوفا نفسها، لكن فلسفه وجنس ودين، دول تروح تبلهم وتشرب ميتهم يا احمد، بصوت سارا سيد الله يسترها.

المزيكا

المزيكا مبقتش تدخل وداني؛ المزيكا بقت تدخل جسمي.

ابو لهب

ابو لهب غير مشرك؛ كل رجل دين معرص مسلم هو المشرك.

عطر

لما تشتري عطر؛ ما تتعاملش معاه على انه عطر ابن خالتك، العطور الجديده اول رشتين تلاته منهم بيكونو نفاذين جدا - لدرجه ممكن تكرهك في العطر - فترش رشه واحده بس على كتفك اليمين مثلا، من مسافه مش قريبه، وتلت ات بريز، يعني تسيب العطر يتنفس، وبعدين ترش رشتين بس لو انت خارج، ورشه واحده بس لو انت في البيت، وعطر سعيد.

الدين

الدين؛ مش حاجه نازله من السما، مبدئيا كده مفيش حاجه اسمها سما، في حاجه اسمها فضاء، فراغ لا نهائي، الدين ثقافه بيتم توارثها والتعود على شعائرها، ولو الدين شئ حقيقي وسماوي، مكنش بقى فيه سبعين الف دين على حتة كوكب واحد بائس.

الهري المطلق

المسلمين - اكبر صداع عانت منه البشريه - 20% من سكان الكوكب؛ كل الهري و الحق بتاعهم مقدرش حتى يوصل لنص الكوكب.

ديانات

متخيل الاسلام بيظهر في القرن الواحد والعشرين؛ ومتأكد ان مش هيؤمن بيه اكتر من 21، الديانات الابراهيميه محظوظه بظهورها وبقاءها، ولو الانسان مش كائن تعودي خنوع ابن وسخه، الديانات دي كانت اندثرت.

العزى

بنهاية الحرام؛ بتتحول الشجره اللي ولدت تحتها عزيزه لمزار للنساء الراغبات بالانجاب، الشجره دي عباره عن 3 شجرات ملتصقات، والعزى قبل الاسلام كانت 3 شجرات ملتصقات، واسمها عزيزه، وبعدين العزى، اي الاكثر عزه.

عزيزه

بالنهايه الحرام بيقرب الناس؛ بيلغي الفروق بينهم، بيوصل التفاهم والرحمه لقلوبهم، مرض عزيزه الشديد ومحاولتها الانتحار رد عقل كل واحد فيه، وخلا الفلاحين يتصالحوا على عمال التراحيل المساكين، وخلا نبويه الشهيره بسلوكها البطال تطبخ ارنب لعزيزه، وخلا كل اصل طيب ينضح.

الرحمه

كل الحرام في فيلم الحرام؛ لم يمنع ناظر العزبه و ملاحظ الانفار و غفير الدرك من وصول الرحمه لقلوبهم نحو عزيزه، وكأن بقاء المخلوقات قائم على الرحمه الصادره عن نفوسهم.

الشيطان كتفني

معاناة عزيزة اثناء حملها؛ ومعاناتها بعد قتل طفلها، وهي اللي لا كانت عايزه تمارس الجنس مع راجل غريب، ولا حتى الراجل الغريب كان في ضميره يمارس الجنس معاها، معاناه بتطرح سؤال مرعب: ايه هو الحرام؟ اللي عملته عزيزه؟ ولا اللي حصل لعزيزه؟ وهي المؤمنه المستنصره دوما بالله، بحين ان الله - في تقدير ادريس - بعيد عن الملك والظلم الاجتماعي وثورة ناصر الزباله، لا بينصر الفلاحين، ولا بينصر عزيزه، وهو ما يعني صراحة، ان الحرام الحقيقي، هو خلق الناس وتركهم للتعامل مع معاناتهم.

سيدة الشاشه

سيده الشاشه و الله؛ عن الحرام بس.

الحرام

الحرام؛ عنوان رواية العظيم يوسف ادريس، اختزال معجز لعبارة " خلق العالم "

الحرام

محاولات عزيزه في الحرام للتخلص من ابنها في الحرام؛ بتفكرني بمحاولات امي للتخلص مني، امي شربت ملح انجليزي عشان تنزلني، نطت من فوق السرير حوالي اربعه مليار مره زي ميرفت امين في الحفيد، حطت المرتبه القطن الكبيره على بطنها وخلت اخواتي الاوغاد يرقصو عليها زي الهنود الحمر، كل ده وانا متبت في الدنيا كاني جنكيز خان، عشان انزل اقعد على الدائري اراقب خيبتي لقرابة النصف قرن.

بركات

بركات؛ ايقونه مصريه مغبونه.

الاحتلال

الاحتلال البريطاني لمصر على امتداد 72 سنه؛ مقدرش يعمل اللي عمله الاحتلال العسري لمصر على امتداد 70 سنه، جهل وفقر وقهر.

الجموسه

الحقيقه ان الجاموسه كائن جميل جدا ومغبون حقه؛ الجاموسه على وشها ايموشن واحد طول حياتها مش بيتغير، مزيج غامض من البلاهه على الغباء على اللامبالاه، شعور سرمدي بعثية العالم، ونظره ثاقبه نحو المستقبل المظلم المجهول المنيل بستين نيله، الجاموسه كائن عبقري والله العظيم يا جماعه، اكتر حيوان فهم الحياه.

عبد الناصر

عبد الناصر خلا الفلاح عنده تطلعات؛ والتطلعات حلوه وكل حاجه، لكن المصيبه ان ابن المدينه مش بيقدر يحقق تطلعاته، ناهيك عن ابن الريف، اللي موت نفسه عشان يتعلم ويبقى بني ادم، ويهرب للمدينه او الخليج او اوروبا، ويتنكر لكل شئ جميل في الريف، يتنكر لكل شئ جميل في اصله، بدءا من البيت البسيط العامر الطيب، مرورا بالبنت الفلاحه جارته الجميله، وصولا لحقيقة انه فلاح، وكأنها لعنه، مش جذر و اصل طيب.

الشئ

عمو.
نعم.
عايز حاجه حلوه.
حاجه حلوه اسمها ايه؟
حاجه حلوه.
تضرب ايس كريم؟
بيفكر .. ماشي.
حوار بيني وبين شئ صغير بعنين مدوره وخدود مدوره وكل حاجه الحقيقه مدوره.

غريزه

انا مش داعيه للفسق و الفجور وفواحش الامور؛ ولو حد قالي اترضاه لاختك؟ هقوله اختي بتصرف عليا، ومش لسا هتستنى رضايا من عدمه، الجواز حاجه، والحب حاجه، والجنس حاجه، وربطهم مع بعض لوكشه واحده كده غباء لو تعلمون عظيم، وربطهم اكتر بقدرتك الماديه غباء اعظم، ربنا خلق الغريزه بنفس لحظة ميلادك، مخلقهاش وانت معاك فلوس ومستعد تدخل دنيا، الجواز مسئوليه ماديه و معنويه معقده وضخمه، والجنس حاجه ملحه ضروريه لا غنى للكائن الحي العاقل الناط عنها، نيكو تصحو، كفايه تسلط عقائدي عقيم على حيواتنا.

الايمان الرسمي

الايمان الرسمي؛ ايمان متناقض، مضحك، مخجل، الايمان الرسمي يخبرك ان تؤمن بالله غيبا، ثم يعرض عليك كلام الله لتؤمن به، ثم يعرض عليك ايضا رجال اصحاب مشكلات نفسيه يعرضون بضاعتهم على انهم انبياء، كيف بحق الغباء تطلب مني ان اؤمن غيبا ثم تعرض علي بضاعتك التحريريه؟ اما انك متناقض، او انني ابله، او كلانا متناقض و ابله.

ريزنيك

" كل شخص لديه دين؛ ولا يأتي هذا بالضروره عن طريق الايمان بالرب "

الوجبه

طب و الله العظيم انا بتعشى مشاعر من كل حلقه من الطبيب الطيب؛ وغالبا فهمت دلوقتي بس ليه انا حريص على الوجبه دي قبل صدورها.

زواج

الزواج؛ علاقه معقده للغايه، اعقد العلاقات الانسانيه قاطبة، الزواج مش احليل و مهبل، مش علاقه جنسيه، مش اتنين هيعيشو مع بعض عشان حبو بعض، الزواج شراكه بين طرفين، كل واحد فيهم مختلف تماما عن الاخر - عشان كده بيفشل بفضل الله في مجتمعاتنا العربيه - عشان اتنين اغراب مينفعش يعيشو فجئه كده مع بعض، ممكن اكون بشخر وانا نايم، ودي صفه قاتله ان كنت لا تعلم، بتف كتير، مش بحب استحمى، مش بهتم بيكي بعد قضاء وطري، ملايين التفاصيل بيحصل عليها الغربين من علاقتهم قبل قرار الزواج، عشان يقدروا يقرروا: هقدر اعيش معاه - معاها ولا لأ؟

تلامس

دكتور شون مورفي؛ عنده مشكله في التلامس مع الاخرين، ودي احد اشكاليات المصابين بالتوحد، لكن الحقيقه ان اغلبنا عنده نفس المشكله بدرجات متفاوته، انا بسلم على الناس وابوسهم واحضنهم بدافع اجتماعي بحت، ولو حد هزر معايا ولمس وشي او جسمي ممكن اكسر وشه فعليا.

ريزنيك

ريزنيك مش حلوه؛ تخيل! ريزنيك سنها كبير، وشها مرهق، لكنها جميله لانها صاحبة شخصيه.

بتعرف تتوضى؟

بحس بالعطش؛ بخبط على باب، بتفتح زوجتي، بتحضني بدون تردد، بحضنها بدون تردد، بتحضني اوي، بحضنها اوي، بنتبه ان البيت مش بيتها، وانه غالبا بيت اهل جوزها، بتحس اني بنتبه، بتقبض على جسمي اكتر، بيخرج حماها من جوه، بقوله الموضوع مش زي منتا فاهم، بيسألني: انت بتعرف تتوضى؟ بستغرب من السؤال؛ بخاف. بس برد: طبعا بعرف، بيدخلني على مصرف حوض، ويخلي ابنه الصغير يراقبني، مية الصرف مش نضيفه، لكني بحاول احسن الوضوء، بيقوم الشاب الصغير ابن الكلب اللي كان بيراقبني وانا بتوضى، بسمع صوته وهو بيقول لابوه: مش بيعرف، بقوم من النوم خايف اكتر.

خير اجناب الارض

" اذا افاء الله عليكم مصرا؛ فاتخذوا منها جندا كثيفا، فانهم خير اجناد الارض "
عزيزي رسول الله؛ انا على يقين قاطع انك لم تتفوه بذلك الهراء، عشان عمرو ابن العاص دخل مصر باربعين جندي، وخير اجناد الارض دخلوه عادي، عشان هم لمؤخذه كانوا محتلين من الروم اصلا.

العبد الصالح

جبت فطير من فطاطري " العبد الصالح " وانا باكلو حسيت ان ربنا بيهديني.

الحرام

الحرام في رواية الاستثنائي الدكتور يوسف ادريس؛ لم يكن معني بها حادثة الجنس، الحرام برواية العبقري العظيم معناها " كل ما يحدث على الاطلاق ".

الاوسكار

لو الاوسكار مصريه - او متاحه للمصريين - ممثلين هولي وود اصحاب اوسكار هيبيعوه بالكيلو " فاتن حمامه - سعاد حسني - زكي رستم - شكري سرحان - احمد زكي - يحيى الفخراني - عادل امام - ماجده - شاديه - هياتم "

الصنم

العسكري يمسك اي حاجه تتحول حجر - حتى الانسان - الانسان المصري عباره عن صنم في خدمة العسكري من سبعين سنه.

سد النهضه

سد النهضه مش ازمه؛ ولا مشكله من الاساس، دول حوض النيل ليها حصة ميه ثابته، ومن حق اي دوله منها بناء سد - زي السد الزفت العالي - الجهل بابسط الحقوق و الحقايق افة المصريين.

الرسول

ليه الرسول انسان عظيم؟ ليه يستحق كل صلاه عليه؟ عشان رسول؟ عشان نبي؟ عشان هو قال صلوا عليا؟ الحقيقه ان الرسول انسان عظيم بشخصه، بحد ذاته، زي بوذا و غاندي كده، الرسول قال لا تطروني كما اطرت النصارى عيسى ابن مريم، بس احنا بنحب نجود و نبالغ ونصلي عليه - لكنه الحقيقه يستحق صلاتنا عليه - الرسول لم يقل اذا افاء الله عليكم مصر اتخذوا منها جندا كثيفا، لان الرسول مش زعيم عصابه ولان الغزو والفتح والارف ده كله مش من شيمه، الرسول كان بيدعو لسبيل ربه بالحكمه والموعظه الحسنه والمراسلات الرسميه التقليديه المتحضره والفتح اختراع عمري خطابي، وجند مصر زي اي جند على وجه الارض، لا خير اجناد الارض ولا بتنجان، والالمان والروس والامريكان لو قروا الحديث الباطل ده هيضحكو علينا، عشان جند مصر ده محارش غير مره واحده في حياته بيحتفل بيها من خمسين سنه..

الجواز

احنا غالبا بنتحمل الجواز بكل قذارته وسخافته ولزاجته عشان منبقاش لوحدنا؛ انا ببقا عامل زي الحيوان في الغابه لما بعيا، لوحدي تماما، لدرجة اني بتمنى الموت عن المرض.

عرق العافيه

عرق العافيه عرق طيب؛ عرق العيا ليه نكهة الهزيمه، الله يرحم روحك يا امي، وانا شايفك بتمسحي العرقين بايدك الطيبه عن جبين ابويا الطيب.

اسناني

يسألني الطبيب: لماذا تهمل اسنانك؟ ارد: لا مال لدي لاهتم بأسناني. يردف: سوف تقتلك اسنانك. ارد: ارجو ان تفعل.

ديمون

وانا في الغردقه؛ قابلت راجل يهودي هولندي، الراجل كان وسيم ووقور ودايما معاه بنت صغيره، لما اتكلمنا مع بعض سألته: بنتك يحج؟ ضحك ديمون؛ وقالي: احمد؛ لما تبقى في سني، ومعاك فلوس كفايه، هتقدر تشتري اي حاجه انت عايزها، بما فيها السعاده، اوليا صحبتي مش بنتي.

يبتسم الرجل

يبتسم الرجل؛ ابتسامه لزجه، تذكرني بابتساماتي القديمه اللزجه، حين كنت رمادي، ابله، اجوف، انتهي من قدح الشاي على عجل، وانتصب راحلا، قبل ان احطم وجه الرجل المبتسم.

يناير

ثورة يناير؛ عملت اعظم حاجتين في تاريخ مصر المعاصر، ثورة يناير افرزت اجيال مؤمنه بقيمتين، رجال الدين ولاد وسخه، رجال السياسه اوسخ.

المشربيه

المشربيه اختراع عربي؛ ليه المشربيه اختراع؟ لانها مصممه لشرب شعاع الشمس خارج المنزل، وتوصيله ليك وانت قاعد داخل المنزل، يعني تقدر تقول كده انها موصل جيد لاشعة الشمس المهمه فشخ للجسم البشري، وانت قاعد جوه بيتك زي الباشا.

هسرق و هفتخر

للجادين فقط

ضرس عقل للبيع؛ استعمال عنيف، للجادين فقط.

الوحش

انا يتيم؛ متبنى، تم التحرش بي من احد اصدقاء امي بالتبني، انا تخطيت الاربعين ولازلت نكره، كنت اعتقد ان حياتي تراجيديه، ولكنني ادركت انها كوميديه، فقتلت امي بالتبني، واحد اصدقائي، وثلاثة شبان مدللين، ومقدم برامج كوميديه مستفز، كل ذلك كان لا يمكن ان يحدث، لو اعتذر لي احدهم، او اخبرني لماذا كان علي ان اتحول من نكره الى وحش؟

قتل رحيم

مفروض الريس يطبق الموت الرحيم في مصر - رغم انه مطبقه؛ لكن على استحياء - بدل الاصلاحات الاقتصاديه اللي مش بتجيب همها على امتداد سبع عقود، يقتل الفقراء وذوي الحاجات، قتل جماعي عشان يخفض التكلفه، ويضرب عصفورين بحجر، يرحمهم من تكلفة الحياه و العلاج، ويبطل يكدب و يعمل مؤتمرات.

رحيل التيتانز

عزيزي والدي؛ عزيزي جمال، عزيزي السيد، كنت متصور ان متلازمة رحيلكم بالسادسه و الخمسين هتلحقني انا كمان، لكني اعتقد اني هكسر القاعده العفيفيه للرحيل عن العالم مبكرا، وهرحل قبلكم بعشر سنين.

موسيقى في الحي الشرقي

فؤاد الظاهري؛ علي اسماعيل، راجح داود، خالد حماد، هشام نزيه، شكرا ليكم جدا على موسيقاكم التصويريه المذهله على امتداد تاريخ هذا الوطن الطيب بابناءه لا بزعماءه.

المعيه

المعيه امر طيب للغايه " معاك ربنا " تعبير ساخر تطلقه احيانا السنة السفهاء الجهله، معايا ربنا؟ فعلا؟ ياريت؟ انا اطول يولاد الوسخه؟ دنا استمنى.

ضرس العقل

هنضطر نخلع ضرس العقل.
يعني ايه عقل يا دكتور؟

ام النور

ام النور؛ هي السيده الجميله العذراء مريم بالثقافه المسيحيه، ام النور بالثقافه الاسلاميه هي الجميله الطيبه النفيسه بنت الحسن ابن الزهراء.

الجوكر

الجوكر مكسر الدنيا لسبب بسيط و عبقري - الدنيا كلها مش مصر بس - كلنا الجوكر.

النداهات

كل الستتات اللي حبتهم - واللي عرفتهم بس - وقعت في غرام عينيهم؛ عيون الستات عندي هي المعبر الى النعيم، عمري ما كانت معايا مازوره للانوثه بقدر مازورة العين، ست عينها حلوه، انا راشق رسمي، طويله او قصيره، تخينه او رفيعه، بيضا او سمرا، عيون الستات نداهات.

درة مدن العالم

مصر بلد ايقوني؛ درة مدن العالم اقسم بالله، دره ادرك قيمتها الاسكندر و عمرو ابن العاص و محمد علي، المحزن و المخجل ان درة مدن العالم تضيع لما تبقى في ايدين اصحابها، ناصر الله يحرقه و نسله من سلالات اللون الكاكي و المخ الفاضي.

الكود

الاسانسير بكود؛ وانا ضرسي ماثر على وظايف اعضائي، باخد المفاتيح بالكود معايا، بتنده عليا البوابه " هات المفاتيح، بفتح الباب الاقي بنتها الصغيره جدا بتقولي استخدم الكود ازاي، بتفرج عليها وهي بتشرحلي بحجمها الضئيل للغايه وشعرها الاسود الكيرلي وجلبابها الاخضر، وبقرر: اعمليلي انتي الحكايه دي، بتشب على مشط رجليها وتنشطلي الكود، وتسالني انت طالع الدور الكام، وقبل ما ارد بتفتكر اني سالت امها عن عيادة الاسنان، فبتغط التاني بدون تردد، وبتجري زي السهم، بقولها شكرا وهي بتجري، بتقولي عفوا وهي مدياني ضهرها، بقرر انزل اجيبلها شيكولاته.

كدب ابيض

" الكذب لا يضر؛ الكذب الابيض ينقذ الجميع، الكذب كان دوما منجاة الجنس البشري "

كوكب بلوتو

لما بعدي على مستشفى ابو المنجا في باسوس؛ وافتكر الطبيب الطيب، بحس اني من سكان كوكب بلوتو اقسم بالله.

وظيفة اللسان

ربنا خلق لينا اللسان عشان نتفاهم - مش عشان نتكلم - عشان نعبر عن نفسنا، عشان نتفهم، عشان نزيل سوء الفهم، ونبني جسر حقيقي واضح من الفهم، وعشان القطه ما تاكولش لسانا، عملنا شفتين و فك، عشان مهم جدا جدا جدا نتكلم و نوضح احنا كنا نقصد ايه.

الخبرات السيئه

" طبقا لعلم الاعصاب؛ الخبرات السيئه ترسو اعمق من الخبرات الساره بقشرتنا المخيه "

ليه يارب؟

سؤال ست قاعده قصاد بيتها عندي في الشارع بتعيط على السر الالهي اللي فارق جسد جوزها.

الم الاخرين

يقتلني الالم؛ الم الاخرين، المي انا اصبح مزمن، متواطئ، متلازم، اشعر بالغربه ان تخلى عني.

لقد قررت ان اتنحى تماما و نهائيا عن اي منصب سياسي او جنسي #الله_الوطن_الهلس

انقاذ الجندي عرفه

عزيزي شريف عرفه؛ انت مشوفتش انقاذ الجندي رايان؟ اللي معمول من روبع قرن؟ مشوفتش عملية انقاذ جندي واحد تمت ازاي؟ مش انقاذ وطن؟ مشوفتش الهدوم بتتوسخ ازاي من العرق و الصحرا؟ مشوفتش الاخراج المثالي المذهل للايقونه اليهوديه سبيلبيرج؟ عزيزي شريف؛ اليهود معلمين علينا في السلم و السينما.

الفرقه الناجيه

اكتر ناس استفادت من الناصريه و الاشتراكيه و الخره ده كله؛ الفنانين و الرقاصين و الصحفيين و الاعلاميين و تجار السلاح و المخدرات، اللي تقدر تسميهم " الفئه الناجيه " اللي فهمت بدري جدا ان البقاء للاوسخ.

الممر

الممر؛ مش مكان مادي، مش مكان جغرافي، مش موقع عسكري، الممر نكسه انسانيه حطنا فيها ناصر ونسله من سنة 1952 حتى الان.

الممر

" انهم لا يتعلمون من اخطاءهم؛ طائراتهم بلا هناجر او دشم، مرصوصه بالعراء امام اعيننا مباشره، كأنهم يدعوننا لتدميرها "

موشيه ديان - 1967

الخبر السار

سوف تموت عشرات المرات؛ لانك مخلص، صادق، امين، غير ملوث، الخبر السار هنا، ان روحك سوف تنجو.

تزور الشمس مطبخي

تزور الشمس مطبخي؛ بالتاسعه كل صباح، اصمت بحضرة الشمس، واتذكر الاله امون، واشكر الخالق انه صنع الشمس، وارسلها كل صباح الى مطبخي.

الحقيقه

الحقيقه؟ سوف اخبرك ما هي الحقيقه: الحقيقة انه ليست هناك حقيقه، كل منا فقط يرى كذبته حقيقه.

كولونيل فرانك

" الطريق الى النعيم يمر عبر سيقانهن تشارلي "
كولونيل فرانك

الصديق

الصديق الذي لا يطرح اي اسئله؛ او يسدي اي نصائح، عض عليه بالنواجذ.

بولي وود

السينما الهنديه نضجت في اخر عقد نضوج التنين؛ مثليه و فساد سياسي وليله كبيره سعتك، انا سعيد بالهند فشخ والله، وربنا ينتع ام الخير ونشوفلها سينما حقيقيه تاني، بعيد عن السبكي ورمضان وكل هذا الخراء.

دهب دهب دهب

الزواج الهندي التقليدي - اللهم الحقنا يعني - بيتكلف دهب مرعب، العروسه بتكون متغطيه حرفيا بالدهب، ده غير الفستان الاحمر المطرز برضو بدين ام الدهب، اللي هو تحس انهم مشتريين منجم دهب السكري بتاعنا من بابه عشان يلاحقو على حفلات العرس.

كارينا خابور

باستثناء البطلات الهنديات المستحمات بمية نار مع قليل من الكلور؛ انت هتلاقي المرأه الهنديه سوده عادي - او سمره - فهون عليك كده زيي وانت بتشوف كارينا خابور واخواتها، دول منتج صناعي فائق الجوده.

البيض البدارى

مكونتش بصدق ان سعاد حسني بتعمل فول بدي ميك اب - زي منى زكي كده - لحد ما بقيت اشوف الافلام الهنديه؛ بطلات الافلام الهنديات بيعملو فونديشن لجسمهم كله - مش وشهم بس - يعني بيغطسوا في برميل كريم اساس عشان يبانو بيض بداره.

قرار

كل ما يتطلبه الامر لافساد حياتك بالكامل؛ قرار واحد خاطئ تتخذه.

رحلتي من البورن للايمان

مكونتش بفهم ليه البنات في افلام البورن بيعلقو صليب على سدرهم؟ ولا بيقولو اوه جد؟ الحقيقه ان تصالحنا مع اجسادنا و غرائزنا، بيصالحنا بالضروره على الرب، الرب مش كائن كئيب مكبوت معنون، والجسم و الرغبه احد اطيب عطاياه.

ملكيه بالارانب

ليه الملكيه في اوروبا راسخه؟ لان ملوك اوروبا بيعملوا لقطه كيوت جدا " الديمقراطيه " العامه الحمير عايزين ديمقراطيه؛ اشطا، اديهم يبني البتاعه دي: ازاي جلالتك؟ اعمل رئيس وزراء، وخليهم يختاروه، وارحم دين امي انا من لعب العيال ده.

الخلاص من فيصل

لو فيلم الخلاص من شوشانك اتعمل في مصر الحوار هيكون كده:
ريد؛ ان امكنك العبور من العشرين؛ سوف تجدني في المريوطيه.
وكيف ساعرف المريوطيه دوفرين؟
ستجد قبلها ثلاثة طوابق يا عزيزي.