دوزو

سنة 1992؛ اترفضت في اخر محاولاتي لدراسة تخصص بحبه - اللغه اليابانيه - بسبب مجموع لغاتي المنخفض عن مجموع القبول بالقسم، وقتها كنت اعرف ست يابانيه عظيمه مقيمه بالمعادي، اول مره ازورها فتحتلي الباب وقالتلي دوزو، دوزو تعني اهلا، الست كانت بتدرس اليابانيه في بيتها بمصروفات 300 جنيه لكل شهرين، طلبت من محمد عفيفي اخويا الكبير يسندني في القصه دي لمدة سنه واحده بس، محمد رفض، بعد سنتين قابلت احمد سميح، احد اصدقائي وقتها مع بنت يابانيه على كوبري قصر النيل، اخبارك يا احمد؟ انا شغال في السفاره ناو؟ بتقبض كام يا احمد؟ عشرتلاف جنيه. كام يا احمد؟ 10000 يا عفيفي، عزيزي دكتور محمد عفيفي اخويا الكبير؛ انت متخيل 300 جنيه كانوا ممكن يفرقو في مصيري اد ايه؟