أكاد أكون .. بنى آدم، أتحول بشرا برأس كلب وجسد حمار، أو رأس
حمار وجسد كلب ، لا فرق، أقضى حاجتى بجانب اى جدار، وأجامع اى كلبه ضالة، فلم
تستطع آدميتى طوال 34 عاما ان توفر لى مكانا اقضى فيه حاجتى، وأجامع فيه بشريه
مثلى، إذا فلأتحول كلبا أو حمارا، لا فرق، المهم أن اقضي حاجتى ورغبتى، الطعام لن
يكون بعد الآن مشكله، سيكون من احد صناديق القمامة!
اجلس فى الشقة رقم عشرة بالطابق الخامس بالبنايه رقم 36 بشارع
النخيل بمدينه المهندسين، بين مطرقة قاسيه وباردة لم تتعرض لأى تربيه او دين يطلقون
عليها مجازا محرم سمير حلاوة، وسندان لا يتخير عنها اخوات دنيا سمير حلاوه، فتاه
كانت من الممكن ان تصبح زوجتى يتلذذون بتحقيرى واهانتى بكل زخم وتاريخ الاثرياء فى
التحقير والاهانه لفلاح خرسيس مثلى تجرأ على الطمع فى اختهم، والتفكير، مجرد
التفكير، فى الزواج منها!
عندك شقه؟ شغال فين؟ مرتبك كام؟ ياااه بيكفيك ده؟
ممكن نبقى نشوف لك شغل بمرتب احسن! انت بتعرف تعمل ايه؟
مبتعرفش! ممم مشكله! جوز اختنا الكبير كان برضو كدا
معدم وساكن ف حته معفنه ف السبتيه، دلوقت واخدلها شقة ف المهندسين
انت تحاول تجيب شقة صغيرة 120 متر ف حته قريبه
ممكن تدفع لها 50 او 60 الف مقدم وتبقى تدفع 1800 جنيه قسط
كتير من زمايلنا اللى ظروفهم زيك بيعملوا كدا
أنا لو معايا 60 الف كنت استنيت لحد 34 سنه يا ولاد الكلب
عشان اجى اسمم بدنى بكلامكو البارد الوقح
تصطدم عينى بعين محمد الاخ الاصغر الذى لم يتجاوز العشرين
اقرا
فى عينيه بخط واضح عريض مضاء حتى يمكن للعميان قراءته
" اطلع بره يا شحات يا ابن الشحاتين بدل ما اقلع الجزمه
واطلعك بيها "
افكر فى الأمر مليا فجزمته ماركه تيمبير لاند ، وددت كثيرا لو
البس مثلها
فما المانع لو حتى انضرب بيها ، لن يضر الشاه ضربها بعد سلخها!
ارحل وأنا أبكى على ال 156 جنيه تمن علبه الشيكولاته اللى
دفعتهم
ف اكبر محل تشوكلت فى مصر، باشيونال، والعشرين وردا الحمرا
اللى كلفونى عشرين جنيه، وخمسه جنيه بقشيش للواد اللي ظبطهم
يبقى 25جنيه وال 20
جنيه اجرة التاكس من باب اللوق لباشيونال
ل 36 شارع النخيل
بمدينة الاثرياء
تبا لآدميتي
ليست هناك تعليقات:
إرسال تعليق